Moti i keq ka përfshirë vendin mesnatën e sotme dhe reshje e dendura të shiut kanë bërë që një familje të rrezikojë jetën.
Burime bëjnë me dije se Robert Rama, 50 vjeç, së bashku me bashkëshorten dhe djalin 25-vjeçar kanë dalë mëngjesin e sotëm për të mbledhur rrjetat me një mjet lundrues të vogël.
Por, dallgët e forta kanë bërë që ata të bllokohen në shpellën e Pëllumbave. Policia e Himarës raporton se policia kufitare dhe mjete të tjera kanë shkuar për të ndihmuar familjen.
Pavarësisht kësaj ndërhyrje, deti me dallgë rrezikon jetën e familjes. Deri më tani, gruaja rezulton e humbur.
Dyshohet se bashkëshortja e 50-vjeçarit ka rënë nga barka. Nuk dihet ende nëse gruaja ka arritur t’i mbijetojë dallgëve të detit, ndërsa policia ka arritur të shkojë tek dy pjesëtarët e tjerë të bllokuar në shpellë./Bo.Ba/fjala.al