Zhan Todt: Formula 1, për t’u marrë shembull për kthimin e saj përtej epidemisë

113 563 lexime

124,178FansaPëlqeje

Presidenti i Federatës Botërore të Automobilizmit (FIA), Zhan Todt, beson se Formula 1 ka dhënë një “shembull global” me kthimin e saj në gara pas shpërthimit të virusit korona. Formula 1 u detyrua të heqë dorë nga 10 garat e para të vitit për shkak të epidemisë së “Covid-19”, por arriti që sezonin e saj ta fillojë me Çmimin e Madh të Austrisë në korrik.

Tani është hartuar një kalendar me 13 gara, me perspektivën për t’u shtuar edhe disa gara, si pasojë e një numri të madh masash të marra për të krijuar sigurinë e të gjithë pjesëmarrësve në gara. Todti tha se ai ishte “shumë krenar” për mënyrën sesi Formula 1 e kishte administruar kthimin e saj, duke besuar se ka dhënë një shembull edhe për sporte të tjera në organizimin e ngjarjeve ndërkombëtare.

“Për të marrë vendimin për të nisur garat nuk ishte e lehtë, pasi po prisnim të përmirësoheshin kushtet e situatës së krijuar nga “Covid-19” – ka rrëfyer francezi. -Formula 1 ishte seria e parë ndërkombëtare që filloi përsëri me protokolle shumë të rrepta. Ka qenë një shembull global i motivimit dhe angazhimit për të rifilluar garat. Kam lexuar edhe komente “që ju e bëni këtë për para”. Për mua, është gabim.

“Të gjithë e dinë se jeta duhet të kthehet sa më shpejt të jetë e mundur në normalitet, duke marrë parasysh që virusi është aty”, – ka vijuar ai. Todti tha se Formula 1 kishte qenë “shumë kreative” për të rindërtuar kalendarin, pasi epidemia e detyroi që, më shumë se gjysmën e garave të planifikuara këtë vit t’i anulonte, duke bërë që të gjejë mënyra për t’i zëvendësuar si në Muxhelo, në Imola dhe Nurburgring.

Lexo edhe :  Ramadani: “Ndaj Suedisë të hyjmë për fitore, skuadra vjen e para”

Duke folur në vijim, kreu i organizmit që qeveris automobilizmit botëror tha se fleksibiliteti me kalendarin “kërkonte shumë energji” dhe “shumë krijimtari”. Formula 1 ka raportuar 3 raste pozitive të “Covid-19” në mes të programit të plotë të kontrollit në 4 garat e para, një prej të cilëve është piloti i “Racing Point”, Serxhio Perez. Ai u detyrua të humbasë Çmimin e Madh të Britanisë së Madhe, pasi është karantinuar./Fjala.al

Të fundit

Kur do të zhvillohet/ Shtyhet mbledhja për zgjedhjen e drejtuesit të ri të Himarës

Është shtyrë mbledhja për zgjedhjen e drejtuesit të ri të Himarës pas tensioneve të krijuara në mbledhjen e Këshillit...

Sondazhi: 80% e të pyeturve mendojnë se java e punës me katër ditë përmirëson balancën

Një javë me vetëm katër ditë pune mund të sjellë një balancë më të mirë mes punës dhe jetës personale. Një sondazh i zhvilluar nga...

Rekord/ Biden mblodhi rreth 25 milionë dollarë në fushatën e tij në Nju Jork

Presidenti amerikan Joe Biden mori pjesë në një mbledhje fondesh për fushatën e tij presidenciale në Nju Jork së bashku me ish-presidentët demokratë Barack...

Rikthehet kaosi në kufirin me Shqipërinë, doganat greke paralajmërojnë grevë 48-orëshe

Nga data 2 prill në orën 08.00 të mëngjesit, për 48 orë, do të paralizohet lëvizja në pikat kufitare me Shqipërinë. Kjo pasi doganat...

Dasmë në Big Brother, Heidi dhe Romeo do të martohen

Heidi dhe Romeo pas një shkëputje të lidhjes së tyre u ribashkuan fill pas spektaklit të së martës, ku shkëmbyen puthje dhe përqafime. Dyshja simpatike...

Lajme të tjera

Web TV