Një infermier shqiptar është kapur në flagrancë në Itali gjatë vjedhjes së një pacienti që kishte vdekur nga koronavirusi.
Sipas mediave italiane, infermieri 41-vjeçar me banim në Boltiere i vodhi kartën e bankomatit një 66-vjeçari të prekur nga Covid-19, duke ia zbrazur më pas të gjithë llogarinë.
Nga përllogaritjet e autoriteteve italiane ndodhi në 13 mars, dhe shqiptari arriti të marrë plot 6,000 euro nga llogaria e të ndjerit.
Mësohet se në pranga është vënë edhe e fejuara e infermierit shqiptar, një 21-vjeçare. Gjendja e pacientit me koronavirus u rëndua në 16 mars, ndërsa në 18 prill ai ndërroi jetë.
Ishin familjarët e viktimës ata që vunë re mungesën e parave dhe denoncuan në rajonin policor Romano di Lombardia (Bergamo).
la.mi/Fjala.al
