Autoritetet policore në Caserta të Italisë kanë vënë në pranga një 35-vjeçar shqiptar, pasi akuzohet për shfrytëzim prostitucioni dhe skllavërim.
Sipas raportimeve nga mediat italiane, shqiptari kishte blerë një vajzë, gjithashtu dhe ajo shqiptare, për 500 euro nga një bashkatdhetar i tij dhe e detyroi atë të prostituonte në qytetin italian. E vetmja kohë ku vajza mund të dilte nga shtëpia ishte kur prostituonte në rrugë. Pjesën tjetër të kohës ajo rrinte e mbyllur në një apartament.
Gjatë hetimit, u zbulua se shqiptarja jetonte në kushte shumë të këqija dhe detyrohej të flinte në një banjë të vogël. Ajo shpesh lihej pa ushqim me ditë të tëra dhe detyrohej të bënte punët e apartamentit. Kur u përpoq të rebelohej, të refuzonte të prostituonte veten, ajo u kërcënua me vdekje. Ajo nuk mund të linte shtëpinë, përveç se kur ishte shoqëruar në vendin që djali kishte blerë për t’a takuar me meshkuj të tjerë. Të gjitha të ardhurat përfunduan në xhepin e kriminelit, i cili e shoqëronte dhe kontrollonte vazhdimisht për t’u siguruar që ajo bënte prostitucion.
Arrestimi i tutorit 35 vjeçar u krye gjatë operacionit të koduar, “Uti dominus”, ku u zbulua se shqiptari ishte pjesë e një grupi që rekrutonte gra të reja të huaja për të prostituar në rrugë.
/En.Br./Fjala.al
