Iris Selimi do të jetë përgatitësi atletik i ekipit të Kukësit. Lajmi konfirmohet nga burime ekskluzive për “Fjala.al”.
Pas një sezoni të mbyllur pa trofe, verilindorët kërkojnë të ndërtojnë një ekipi sa më të fortë për sezonin e ardhshëm dhe për trajnerin Skënder Gega një përgatitës atletik të nivelit të lartë më mirë se Selimi nuk mund të gjenin.
Iris Selimi më parë ka qenë përgatitësi atletik i Skënderbeut, por edhe i Lirisë së Prizrenit dhe Teutës, kur këto dy të fundit drejtoheshin nga Bledi Shkëmbi, ndërkohë që është dhe përgatitësi atletik i Kombëtares U-21 të Shqipërisë.
Stafi teknik te verilindorët po shkon drejt plotësimit, ndërkohë që tani priten goditjet e bujshme në merkato./En.Br./Fjala.al
