Xhulion Hoxha, 29 vjeç dhe Euglen Halili, 23 vjeç, janë autorët e vrasjes së Regis Runaj dhe kanë marrë pjesë në atentatin kundër Emiljano Ramazanit.
Në një njoftim për mediat, blutë e Elbasanit kanë bërë me dije se sot kanë rënë në praga 2 personat, Xhulio Hoxha dhe Euglen Halili, të cilët sipas tyre kanë vrarë Regis Runajn në 29 korrik. Policia bën me dije se ka prova që dëshmon vrasjen e tyre, pasi ata kanë qenë me viktimën natën kur ndodhi ngjarja, kishin konsumuar lëndë narkotike e më pas ishin përfshirë në një zënkë dhe e kishin qëlluar me thikë duke e lënë të vdekur.
“Në cilësinë e provës materiale janë sekuestruar një motomjet, në të cilin u gjetën njolla gjaku, të cilat pas ekzaminimit në laboratorin shkencor rezultuan se i përkasin viktimës, si dhe një shumë eurosh dhe prova të tjera ligjore”, shton Policia.
Po ashtu bëhet me dije se këta dy persona kanë marrë pjesë kundrejt pagesës dhe në atentatit ne ndodhur në 20 korrik, ku mbeti i vdekur Emiljano Ramazani, pasi nga provat e grumbulluara rezulton se ata kanë ndjekur dhe kontrolluar lëvizjet e viktimës. “Po nga hetimet rezulton se këta shtetas, këto ngjarje i kanë kryer kundrejt pagesës nga persona të tjerë, për të cilët vijon puna intensive për dokumentimin me prova ligjore, kapjen dhe arrestimin e tyre“, deklarohet në njoftim./Fjala.al/Ke.Ba