Shorti i së hënës, përvijohen skenaret “shqiptare” të turet eliminatore të Ligës së Evropës

113 563 lexime

77,366FansaPëlqeje

Të hënën, në Nion të Zvicrës, hidhet shorti i Ligës së Evropës dhe tanimë është krijuar një ide, sado e përgjithshme se çfarë mund të presin apo se çfarë shpresojnë të shmangin në të ekipet e Kategorisë Superiore. Në fakt, për vetë rrethanat e krijuara nga epidemia e virusit korona, këto 3 ekipe të nivelit më të lartë të Kampionatit Kombëtar të Futbollit, që e kanë fituar të drejtën e pjesëmarrjes në veprimtarinë e dytë të klubeve të kontinentit, kanë pak kohë për të përgatitur ndeshjen e turit të parë, të cilën UEFA e ka programuar për t’u luajtur më 27 gusht.

Siç dihet, për arsye të rrethanave të jashtëzakonshme të shkaktuar nga virusi “Covid-19”, duke shmangur sistemin vajtje-ardhje, do të luhet vetëm një takim i drejtpërdrejtë, njëfarë finaleje, ndërsa mbetet për t’u përcaktuar fusha në shortin që UEFA do të hedhë të hënën më 10 gusht. Prandaj, “3 moskëtierët” e futbollit shqiptar, Kukësi, Laçi dhe Teuta janë me sytë nga Nioni i Zvicrës për të mësuar kundërshtarin, dhe mbi të gjitha, vendin se ku do të luhet ndeshja në këtë situatë të pazakontë.

Megjithatë, tanimë është krijuar edhe një ide e përgjithshme se cilët janë rivalët e mundshëm të skuadrave shqiptare? UEFA përcakton ndarjen në vazo në bazë të koeficientit dhe në turin e parë mes skuadrave të cilësuara favorite është Kukësi. Ndërsa Laçi dhe Teuta janë në vazon e skuadrave jofavorite dhe në letër rivalët që pritet të kenë, janë më të fortë. Skuadrat e të njëjtit shtet nuk mund të përballen në këtë tur.

Laçi dhe Teuta rrezikojnë të luajnë ndaj ekipeve si Partizani i Beogradit (Serbi), Steaua e Bukureshtit (Rumani) dhe Malmoe (Suedi), por mund të kenë përballë edhe ekipin shqiptar të Maqedonisë, Shkëndija e Tetovës. Kështu, disa nga kundërshtarët e mundshëm të Kukësit në turin e parë eliminator të Ligës së Evropës janë Sllavia e Sofies, Botoshani, Levadia e Talinit, MSK Zhilina, Zheljeznjiçari i Sarajevës, Akademia Pushkas, Shkupi, Banja Luka, Inter Turku, Vikingur i Rejkjavik, etj.

Lexo edhe :  Hidhet shorti/Tirana luan në Zvicër ndaj kampionëve të Young Boys

Ndërkohë, disa kundërshtarë të mundshëm të Laçit, Teutës dhe Shkupit: Vaduzi, Leh Poznani, Shkëndija e Tetotës, APOEL-i i Nikozisë, Steaua e Bukureshtit, Maribori, Dinamo e Minskut, Aberdini, Kairati i Almatisë, Valeta, Ventspils, CSKA e Sofies, Sutjeska e Niksiçit, Honvedi i Budapestit, Makabi i Haifas dhe Beitari i Jeruzalemit. Kurse kundërshtarët e mundshëm të Prishtinës dhe Gjilanit në fazën paraeliminatore të Ligës së Evropës janë Linkoln Red Imps, Santa Koloma, Torshavni, Tre Pene, NSI Runaviku, UE Engordani dhe St. Xhozefs.

la.mi/Fjala.al

Të fundit

Rruga ime

Nga Edison Ypi Te Rruga ime fjala më e sikletshme është "puna", zbavitja më e këndëshme është Fejsbuku, filmi më...

39-vjeçarja humb jetën në klinikën private, procedohet mjeku dhe infermierja

Policia e Korçës ka proceduar në gjendje të lirë dy persona( me detyrë personel mjekësor) pasi akuzohen se nuk kanë respektuar protokollet mjekësore gjatë...

“Vijne nga lart në fluturim dhe më ulen në duar”, tenori i famshëm publikon videon: Ata duan më shumë dashuri!

Tenori i famshëm shqiptar Agim Hushi i cili jeton prej kohësh në Australi ka postuar ditën e sotme në facebook një video shumë interesante. Në...

Veliaj inspekton punimet/Dy shkolla dhe një kopësht i ri në “Don Bosko” (Video)

Kryebashkiaku Erion Veliaj ka bërë publike pamjet nga punimet e dy shkollave dhe një kopështi në kryeqytet. Këto shkolla të reja do të mbajnë emrin ...

Kërcënoi me vetëvrasje, flasin prindërit e Elton Metës: Djali kaloi në depresion, nusja paftë hajër nga zanati!

Kanë folur për mediat prindërit e Elton Metës i cili u arrestua në Zhupan të Fierit pasi kanosi familjen e vjehrrit dhe tentoi të...

Lajme të tjera

Web TV