Ndërkohë që situata e virusit COVID-19 vazhdon të jetë shqetësuese, shqiptarët vazhdojnë ende të organizojnë ceremoni festive me grumbullime masive njerëzish, të cilat kthehen në vatra infeksionesh.
Së fundmi, policia e Tiranës ka gjobitur tre shtetas, pasi janë konstatuar duke ushtruar aktivitet në kundërshtim me Aktin Normativ.
Burime zyrtare njoftojnë se uniformat blu kanë konstatuar dy ambiente në të cilët ushtrohej aktivitet në kundërshtim me Aktin Normativ, duke mos respektuar protokollet e sigurisë. Pronarëve të subjekteve, shtetasve A. C. dhe E. S., u është vendosur masë administrative 3.000.000 lekë secilit.
Gjithashtu, i është vendosur masë administrative 1.000.000 lekë, shtetasit S. L., pronar i një restoranti, pasi është konstatuar duke zhvilluar ceremoni festive duke mos respektuar protokollet e sigurisë.
/En.Br./Fjala.al