Kreu i Bashkisë së Tiranës Erion Veliaj ka mohuar lajmin që ka qarkulluar ditën e sotme se ai është dërguar për kurim në Turqi pas infektimit me COVID-19.
Kryebashkiaku i Tiranës deklaron se gjendja e tij është drejt shërimit të plotë, dhe nuk ka asnjë të vërtetë se ka pasur nevojë për trajtim jashtë vendit.
Kryebashkiaku ndodhet në shtëpinë e tij, në pritje të testit të dytë, që bëhet për të kuptuar nëse është shëruar plotësisht nga Covid 19, pasi i pari i ka dalë negativ.
“Jam në Tiranë duke pritur testin e dytë, që të konfirmoj nëse jam shëruar apo jo. Testi i parë ka dalë negativ, dhe brenda 48 orësh pres përgjigjen e testit të dytë. Nuk jam larguar në asnjë moment jashtë vendit”, është shprehur Veliaj për Faxweb./En.Br./Fjala.al