Arrestohet 40-vjeçari në Elbasan, po transportonte emigrantë të paligjshëm

113 563 lexime

77,337FansaPëlqeje

Policia ka vënë në pranga një 40-vjeçar, pasi u kap duke transportuar 34 emigrantë të paligjshëm.

Në pranga ka rënë shtetasi V. K., 40 vjeç, banues në Tiranë.

Njoftimi i policisë:

Finalizohet operacioni policor i koduar “Krasta”, parandalohet dhe goditet një tjetër rast i veprimtarisë kriminale në fushën e dhënies ndihmë për kalim të paligjshëm të kufirit.

Operacioni nga Sektori për Hetimin e Narkotikëve dhe Trafiqeve të Paligjshme në DVP Elbasan, në bashkëpunim me Sektorin e Qarkullimit Rrugor.

Vihet në pranga një 40-vjeçar, i cili u kap në flagrancë duke transportuar 34 shtetas të huaj nga vendet e treta.

Në zbatim të detyrave të përcaktuara në planin e masave të hartuar nga DVP Elbasan, për marrjen e masave për të parandaluar dhe goditur aktivitetin e paligjshëm të dhënies ndihmë shtetasve të huaj për kalim të paligjshëm të kufijve dhe tranzitimin e tyre në territorrin shqiptar, me destinacion vendet e BE-së, specialistët për Hetimin e Trafiqeve të Paligjshme në DVP Elbasan, pas informacioneve të marra në rrugë operative se një shtetas transportonte nga Belishti në drejtim të Elbasanit, disa shtetas nga vendet e treta, me qëllim dhënien ndihmë për kalim të paligjshëm të kufirit, organizuan punën dhe finalizuan operacion policor “Krasta”, si rezultat i të cilit u bë kapja dhe arrestimi i shtetasit:

V. K., 40 vjeç, banues në Tiranë.

Arrestim i këtij shtetasi u bë për veprën penale “Dhënie ndihmë për kalim të paligjshëm të kufirit”, pasi u kap nga shërbimet e Policisë Rrugore, në qytetin e Elbasanit, duke transportuar me mjetin e tij, 34 shtetas sirian, për të kaluar kufirin me Kosovën, në mënyrë të paligjshme.

Në bashkëpunim me Prokurorinë e Rrethit Gjyqësor Elbasan vazhdojnë hetimet për vënien para përgjegjësisë ligjore të personave të tjerë të përfshirë në këtë aktivitet kriminal.
Ka.Li/fjala.al

Të fundit

E fejuara e tradhtoi 3 javë para dasmës, dhëndri organizon diçka me shoqet e nuse

E fejuara e tradhtoi tri javë para dasmës me ish-të dashurin e saj. Po t'ju ndodhte ju si do...

Sulmi me thikë në Paris cilësohet akt terrorist, ja çfarë zbardhin hetimet

Policia franceze tha të shtunën se kishin ndaluar një individ i cili besohet të ketë qenë dikur shok dhome me personin që sulmoi dy...

A po provokon Turqia? Droni hedh ngjyrë të kuqe mbi flamurin grek -VIDEO

Në ishullin grek Kastelorizo ka ndodhur një ngjarje e paprecedentë. Një dron ka njollosur me ngjyrë të kuqje flamurin grek i cili ndodhej pak...

Aksident në Berat, plagoset një vajzë

Mbrëmjen e kësaj të shtune, një aksident është regjistruar në dalje të qytetit të Beratit, në zonën e kombinatit. Një automjet tip Benz, me targa...

Zjarret në Kaliforni jashtë kontrollit, ushtria zbarkon në rrugë për të menaxhuar situatën

Zjarret vazhdojnë në pjesën veriperëndimore të Shteteve të Bashkuara. Ato kanëshkaktuar deri tani vdekjen e të paktën 35 njerëzve. Shkencëtarët thonë se këto janë...

Lajme të tjera

Web TV