Kreu i LSDM-së në Maqedoninë e Veriut, Zoran Zaev ka marrë ditën e sotme mandatin për formimin e qeverisë së re.
Ka qenë Presidenti Stevo Pendarovski ai që ka mandatuar Zaevin, i cili do të ketë 20 ditë kohë që të sigurojë shumicën parlamentare prej 61 deputetësh.
Një nga partitë në koalicion me Zaev ka shumë gjasë të jetë partia shqiptare Bashkimi Demokratik për Integrim i Ali Ahmetit, që ka marrë 15 deputetë në zgjedhjet e fundit parlamentare, nëse BDI do të tërhiqet nga ideja për kryeministër shqiptar.
Ndërkohë shqiptarët në Parlamentin maqedonas do të përfaqësohen me 32 deputetë, numri më i lartë i deputetëve shqiptarë në Parlamentin e vendit fqinj.
la.mi/Fjala.al
