Një tjetër person ka humbur jetën si pasojë e koronavirusit në vend, teksa ishte i shtruar në spitalin Infektiv.
Mësohet se viktima është një 60-vjeçar nga Tepelena, i cili punonte si taksist.
Refat Çela, i moshës 60 vjeç kishte shfaqur shenja të COVID, gati 10 ditë më parë dhe kishte 5 ditë që ishte shtruar me urgjencë në Infektiv të Tiranës.
Mësohet se ai ka ndërruar jetë mbrëmjen e djeshme në spitalin e Infektivit. Dita e djeshme shënoi rekord në lidhje me situatën e Covid-19 në vend. U shënuan 5 viktima dhe 154 raste të reja.
Shqetësuese mbetet edhe situata e të shtruarve në spital. Aktualisht në spitalin infektiv dhe atë ‘Shefqet Ndroqi’, ndodhen të shtruar 114 pacientë, 19 prej të cilëve në terapi intensive./Bl.Ba/Fjala.al