Shpërthimi i gazetarit që nga maja e Tomorrit: A ju fal Zoti qe e shisni 1500 lekë një shishe ujë?

113 563 lexime

124,178FansaPëlqeje

Gazetari Marjon Gorica ka bërë sot një denoncim për abuzimet me çmimet që po bëjnë tregtarët me pelegrinët në Malin e Tomorrit.

Përmes një postimi në rrjetin social “Facebook”, Gorica shkruan se “aty ku mes pluhurit dhe poshtë një plastamasi, të quajtur lokal, ujin ta shesin për 150 lekë të reja, ndërkohë kudo në Shqipëri mund të shitet maksimumi deri në 90 lekë.”

 Postimi i plotë Marjon Goricës

A keni Zot?! Pelegrinazhin e Tomorrit e kthyhet në abuzim, kësaj nuk mund t’i thoni tregti!

E si mund të rrish pa folur për abuzimet që na sheh syri dita ditës, të pa kufizuara, pa dalluar vende të shenjta, a vende qejfi.

Në Peligrinazhin e Tomorrit mund të kem shkuar mbi 8 a 9 vite, gjë të cilën e bëj me shumë dëshirë, mund të shkoja e më shpesh, madje e gjatë dimrit, nëse infrastruktura do të ishte më ndryshe, por kjo është temë tjetër e nuk ndikon, as në ardhjen time e as të mijërave të tjerë. Ajo që më shqetëson është abuzimi pa kriter i ‘tregtarëve’ të cilët nuk kanë Zot e fe! Abuzues në maksimum, duke mos ditur të ruajnë sado pak një etik në atë çfarë bëjnë.

Peligrinazhi i përvitshëm fillon më 19 gusht dhe përfundon më datë 25. Në të vijnë mijëra njerëz nga anë mbanë Shqipërisë e diasporës, vijnë mijëra besimtarë për të kryer ritet në një vend të shenjtë ku prej dekadash ka parë njerëz nga më të ndryshmit, e ka dëgjur halle nga më të shumtat, por të gjithë që kanë shkuar, kanë qënë me zemrën plotë dashuri!

Mbase plotë dashuri shkojnë e këta individë për të cilët vendosa të flasë, e s’do kursej sikurse dhe asnjë gërmë, jo vetëm për të shfryrë mllefin tim, por për të vënë realisht në dukje, që në këto vende nuk njihet tregtia, por abuzimi. Abuzimi i disa njerëzve të cilët zaptojnë pjesë toke aty rrëzë të shenjtit Tomorr, të cilët nuk di në kanë Zot apo a kanë Zot që mund t’i fal, ku përballë hallexhiut shfaqe në një mënyrë tepër të pështirë. Aty ku mes pluhurit dhe poshtë një plastamasi, të quajtur lokal, ujin ta shesin për 150 lekë të reja, ndërkohë kudo në Shqipëri mund të shitet maximumi deri në 90 lekë. Duke mos menduar që jemi në një mal, uji i së cilit mund të furnizoj pothuajse një pjesë të konsiderueshme të vendit.

Lexo edhe :  ‘Sot ditë e keqe për sundimtarin’/ Salinaji: Forcës sonë nuk i bën ballë asnjë regjim

Pa folur për birrën, e cila mund të quhet luks, pasi natën shitet 300 lekë të reja, e paradite 150 lekë të reja. Birrë nga ato kanacet e vogla që në markete janë nga 60 lekë.

Nëse flasim për zemër të bardhë e dashamirësi, atëherë të krijojmë një biznesi i cili vërtetë ti shërbej qytetarit i cili sakrifikon qindra kilometra, për të ardhur e qëndruar disa orë të tëra në një vend të shenjtë. Aty ku ‘biznesmeni’ përveç se abuzon nuk ka asnjë detyrim fiskal.

Por nuk mjafton me kaq! Aty ku therja e një kurbani deri më datë 22 ka qenë me 500 lekë të reja, e pas kësaj data vlera bëhet 1000 sepse ka fluks. Gjë të cilën askush nuk mund të arrij ta kuptoj!!!

Nuk do flisja kurrë kështu për atë vend i cili më jep një kurajo e forcë që se gjej gjëkundi, por përballë disa rrethanave, e mira është ti themi gjërat si i ndjejmë e si janë në të vërtetë.

Askënd nga ne nuk mund ta vrasi 50 apo 100 lekë më tepër njëherë në vit, në një vend ku dëshira është tepër e madhe për të qenë humanë, por kur ndeshesh me një fakt abuzues të tillë, është gjynahi më i madh që mund të shohim.

#ZotFali nuk dinë çfarë bëjnë!

La/Mi/Fjala.al

Të fundit

Mungesa e përqendrimit, normalitet apo një sëmundje e re mendore?

Me siguri nuk ju ndodh rrallëherë që të humbisni krejt pa pritur në mendime teksa jeni duke kryer një...

3 fëmijët në arrest, nëna në hetim/ Policia zbardh ngjarjen horror në Durrës

Policia e Durrësit në deklaratë për mediat ka zbardhur detaje nga vrasja horror në Durrës, ku  H.M 19-vjeç ka vrarë babain e saj P.M. Sipas...

Ashpërsohen masat për ndotësit e mjedisit gjoba nga 13-26 milionë lekë për shkelësit

Ashpërsohen gjobat për të gjitha ato subjekte apo individë që shkaktojnë ndotjen e mjedisit apo hapësirave publike, por fokusi është vënë tek ndotja e...

PS fushatë anëtarësimesh të reja/ Veliaj: Rezultati është te kutia e votimit

Fushata e anëtarësimeve të reja në Partisë Socialiste ka vijuar edhe në Njësinë 7 në kryeqytet. Drejtuesi Politik i PS për Qarkunt e Tiranës, Erion...

Rama ndan lajmin e bukur: Shqipëria është destinacioni më i mirë në Evropë për 2023

Kryeministri Edi Rama ka ndarë në rrjetet sociale një lajm shumë të mirë për të shqiptarët. Barometri i Turizmit i OKB-së ka bërë të...

Lajme të tjera

Web TV