Maqedonia e Veriut raportoi sot se 159 persona janë infektuar me Covid-19 në 24 orët e fundit dhe 5 pacientë kanë humbur jetën.
Autoritetet shëndetësore kanë kryer 2018 testime, ndërsa vatra me e nxehtë vazhdon të jetë Shkupi me 45 raste të reja, më pas është Kumanova me 26 raste.
Rastet e reja të të infektuarve dalin pas testimit të 2018 mostrave.
Viktimat janë një pacient nga Shkupi, dy pacientë nga Dibra, një pacient nga Kërçova dhe një pacient nga Demir Hisari.
Instituti i Shëndetit Publik brenda 24 orëve ka regjistruar 212 pacientë të shëruar.
Sipas të dhënave të fundit, numri i personave të vdekur me Covid-19 ka arritur në 590, ndërsa që nga fillimi i pandemisë, janë diagnostikuar gjithsej 14163 persona. Ka.Li/fjala.al
