Biden dënon dhunën në Portland/ “Trump po e nxit në mënyrë të pamatur atë”

113 563 lexime

124,178FansaPëlqeje

I nominuari për President i Partisë Demokratike Joe Biden, e quajti dhunën në protestat në Portland, të papranueshme. Ai u shpreh se presidenti amerikan po i nxit protestat.

Demonstratat kundër racizmit dhe brutalitetit të policisë kanë përfshirë Shtetet e Bashkuara që në maj nga vdekja e afro-amerikanit George Floyd, një burrë me ngjyrë 46 vjeç i cili vdiq pasi një oficer policie në Minneapolis i cili i mbajti gjurin në qafë për gati nëntë minuta.

Protestat janë zhvendosur në qendër të qytetit Portland çdo natë për gati tre muaj që pas vdekjes së Floyd. Policia arrestoi shumë persona pasi një person u qëllua për vdekje të shtunën në mbrëmje.

“Unë dënoj dhunën e çdo lloji nga kushdo, qoftë nga të majtët apo të djathtët. Unë sfidoj Donald Trump të bëjë të njëjtën gjë,” tha Biden në një deklaratë, duke shtuar se, “ne nuk duhet të bëhemi një vend në luftë me veten tonë. ”

“Çfarë mendon Presidenti Trump se do të ndodhë kur ai vazhdon të këmbëngulë për të përçarë shoqërinë tonë duke përdorur politikën e frikës? Ai po nxit në mënyrë të pamatur dhunën,” shtoi ish-nënkryetari.

Republikanët mohojnë që Trump po kërkon të nxisë dhunën, duke thënë se ai dëshiron të rivendosë rendin dhe ligjin. Ato akuzojnë kryetarët e bashkive Demokratike dhe guvernatorët e shteteve për humbjen e kontrollit të qyteteve të prekura nga demonstratat që kanë degraduar në përdorimin e dhunës e zjarrëvënies.

Jason Miller, një këshilltar i lartë i fushatës së Trump, tha në rrjete sociale se Biden “ishte ulur duarkryq prej muajsh, duke refuzuar të dënonte dhunën dhe kaosin nga aleatët e tij në qytetet e drejtuara nga demokratët”.

Lexo edhe :  Shqiptari arratiset nga burgu në Zvicër

Më herët, të premten, Trump tha se protestuesit ishin anarkistë dhe plaçkitës.

Biden ka mbrojtur protestuesit paqësorë, duke thënë se drejtësia duhet të vihet, por ai ka kërkuar vazhdimisht t’i jepet fund dhunës./Er.Ke/Fjala.al

Të fundit

Shtatzënia përshpejton plakjen, por ja çfarë ndhodh pas lindjes

Ndryshimet e thella fizike, hormonale dhe kimike që lidhen me shtatzëninë mund të bëjnë që ora e plakjes të kthehet më...

“Eglën e njoh shumë mirë…”/Hygerta Sako zbulon detaje për banoren jashtë shtëpisë së BBV

ot e ftuar në emisionin “Big Brother Radio” ka qenë gazetarja Hygerta Sako, për të bërë një analizë të lojës së banorëve dhe për...

Aktiviteti elektoral i presidentit Biden me ish-presidentët Obama e Clinton,shënon rekord

Shuma e dhurimeve është një demonstrim i mbështetjes së demokratëve për presidentin Biden në një periudhë kur anketimet vazhdojnë të tregojnë nivele të ulëta...

Ngacmimet nga interneti/ Tirana në vend të parë për numrin e denoncimeve

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është qyteti i dytë pas Tiranës që ka raportimet më...

“Plas lufta” në burgjet e Ekuadorit/ Shkaktohen trazira, qindra të vrarë në pak kohë

Ky lajm u njoftua nga qeveria, ku zëvendësministri i sigurisë Lyonel Calderon tha se numri ishte i përkohshëm, pasi do të bëjnë një shqyrtimi...

Lajme të tjera

Web TV