Meta: Qytetarët të informohen si ka vepruar qeveria gjatë pandemisë

113 563 lexime

106,048FansaPëlqeje

Një mesazh për qytetarët dhe qeverinë është dhënë sot nga Presidenti i Republikës Ilir Meta  duke kujtuar se sot bëhen 67 vite nga hyrja në fuqi e Konventës Europiane për Mbrojtjen e të Drejtave të Njeriut dhe Lirive themelore.

Përmes një postim në “Facebook”, Meta shkruan se pandemia COVID-19 ishte dhe mbetet një test për çdo vend, që të garantojë maksimalisht liritë e të drejtat për shtetasit e vet, madje edhe në rastet e fatkeqësive natyrore.

Kreu i Shtetit thekson se 24 vite pas bërjes palë të kësaj Konvente në vendin tonë, Shqipëria ka nevojë për një analizë serioze për të vlerësuar masën në të cilën të drejtat dhe standardet demokratike që cakton KEDNJ janë garantuar për shtetasit e saj duke kërkuar transparencë për masat e vendosura gjatë pandemisë.

MESAZHI I PRESIDENTIT META
Sot bëhen 67 vite nga hyrja në fuqi e Konventës Europiane për Mbrojtjen e të Drejtave të Njeriut dhe Lirive Themelore.
KEDNJ solli një perceptim të ri për këto të drejta dhe i dha hov zhvillimeve demokratike në hapësirën europiane.
Kjo Konventë e rëndësishme orientoi zhvillimet demokratike edhe në Shqipërinë post-komuniste.
E ratifikuar në vitin 1996, ajo u integrua në tekstin Kushtetues që u miratua me referendum në vitin 1998.
KEDNJ përforcoi të drejtat dhe liritë themelore të njeriut.
Bashkë me Kushtetutën ato përcaktojnë bazën dhe kufijtë e veprimtarisë së shtetit tonë në raport më të drejtat e njeriut.
Pandemia COVID-19 ishte dhe mbetet një test për çdo vend, që të garantojë maksimalisht liritë e të drejtat për shtetasit e vet, madje edhe në rastet e fatkeqësive natyrore.
Në këtë test po kalon edhe Shqipëria.
Sot, 24 vite pas bërjes palë të kësaj Konvente, Shqipëria ka nevojë për një analizë serioze për të vlerësuar masën në të cilën të drejtat dhe standardet demokratike që cakton KEDNJ janë garantuar për shtetasit e saj.
Në këtë ditë me rëndësi të veçantë, dua të sjell në vëmendje të të gjithëve se, përveç kujdesit dhe trajtimit shëndetësor të denjë ndaj qytetarëve, ligjshmëria, nevoja, proporcionaliteti dhe mosdiskriminimi – janë testet që duhet të përsëriten çdo ditë nga organet shtetërore për secilën masë kufizuese që po na shoqëron në përditshmërinë tonë në luftën kundër COVID-19.
Ndërsa transparenca mbi motivet e caktimit të këtyre masave është pasqyra para së cilës duhet të dalë Qeveria për të reflektuar.
Qytetarët kanë të drejtë të informohen se si ka vepruar Qeveria e tyre përgjatë kësaj periudhe të vështirë dhe se sa të mbështetura në Kushtetutë dhe Konventë janë vendosur dhe zbatuar këto masa kufizuese përgjatë gjithë kësaj kohe.
Nëse nuk ka transparencë, çdo gjë shuhet dhe bie në errësirën e së keqes.
Të drejtat dhe liritë themelore të njeriut, janë të patjetërsueshme, të panegociueshme, e të pacënueshme! 🇦🇱

Lexo edhe :  Konsumi, investimet e shërbimet/ Ministria e Financave jep lajmin e mirë: Rimëkëmbja e ekonomisë me 5.5%

La.Mi/Fjala.al

Të fundit

Përgjimet e anti-mafias italiane/ Balla: Ato që janë përmendur me emër i keni në presidencë dhe miq të Lulzim Bashës

Kreu i PS-së, Taulant Balla u ndal të fliste për përgjimet e anti-mafias italiane. "Eurodeputeti që përmendet është mik i...

Kryemadhi mbledh LSI-në, prezantohet programi politik: Jemi kundër shpenzimeve të luksit

Teksa na ndajnë më pak se 90 ditë nga zgjedhjet parlamentare të 25 prillit, Lëvizja Socialiste për Integrim prezanton programin e saj politik. Fjalën hapëse...

Punë për të burgosurit, për të herë të parë “fasoneri me burra”

  Të burgosurit do të punësohen në fasoberi , është ky vendim i ardhur si pasojë e marrëveshjes së arritur mes Ministrisë së Drejtësisë  në...

Rama ndërmjetësoi takimin , pas 5 vitesh rikthehen bisedimet turko- greke

Pas më shumë se 5 vitesh shkëputje, pala turke dhe ajo greke do të ulen sot në bisedime për të diskutuar në lidhje me...

Shkodra sërish nën ujë, 2500 hektarë tokë e përmbytur

Reshjet e shiut që kanë përfshirë vendin ka sjellë problematika në Qarkun e Shkodrës ku si pasojë janë përmbytur mbi 2500 hektarë tokë bujqësore. Bashkia...

Lajme të tjera

Web TV