Drejtori Sportiv i Lazios, Igli Tare nuk rresht së afruari futbollistë shqiptarë në Serie A. Edhe këtë sezon merkatoje, ai ka arritur të bëjë një transferim të bujshëm duke afruar te lazialët bomberin e Kosovës, Vedat Muriqi.
Sulmuesi 26-vjeçar i “Dardanëve” tashmë mund të konsiderohet futbollist bardhekaltër. Sipas mediave italiane, pas shumë tratativash, Lazio dhe Fenerbahce kanë arritur marrëveshjen për 17 mln euro plus 1.5 ,mln në formë bonusesh.
Muriqi ka treguar goxha nga potenciali i tij në Turqi dhe tani pritet me entuziazëm nga tifozët bardhekaltër për të formuar një dyshe të frikshme me Ciro Immobile, që për hir të së vërteës premton shume gola.
Muriqi do të jetë në Romë të hënën për vizitat mjekësore dhe më pas do të hedhe firmën në kontratë.
Pa.Va/Fjala.al