Dënohet me 8 vite burg ish-presidenti i Ekuadorit, Rafael Correa.
Gazeta ”El Telegrafo” shkruan: ”Në vendimin në të cilin u përfshinë edhe 15 persona të tjerë, bën pjesë edhe ish-zëvendës-presidenti, Jorge Glas. Gjykata konfirmoi saktësinë e instrumenteve ligjore”.
Menjëherë pas këtij vendimi, ish-presidenti do të duhet të heqë dorë nga plani i tij për t’u paraqitur si kandidat në zgjedhjet e Ekuadorit në vitin 2021.
Jo vetëm kaq. Ish-presidenti nuk do të mbaje poste publike për 25 vitet e ardhshme.
Vendimi nuk kaloi pa u komentuar në rrjete sociale nga ana e Correa. Ai shkroi: “Në fund ata patën sukses. Në një kohë rekord ata morën një vendim përfundimtar për të mos më kandiduar. Ata nuk e kuptojnë se e vetmja gjë që bëjnë është rritja e mbështetjes popullore për personin tim”. /Er.Ke/Fjala.al/