Italia duket se ka avancuar një hap para të gjithëve përsa i përket kryerjes së tamponit të Covid-19.
Shkencëtarët vendas kanë zhvilluar një test tepër të shpejtë për Covid-19, i cili është në gjendje që për 3 minuta të përcaktojë nëse një person është infektuar ose jo me koronavirus.
Quhet “Tamponi i Përditshëm” dhe përdor pështymën për ekzaminim. Testi për Covid-19 është zhvilluar nga kompania private “Allum” në Lecco në bashkëpunim me universitetin Sannio.
“Tamponi i Përditshëm”, ka marrë aprovimin e Ministrisë italiane të Shëndetit dhe prodhimi i tij mund të nisë në masë.
Ai funksionon njësoj si një test shtatzënie. Fillimisht merren kampionë të pështymës dhe vendosen në tampon, falë përdorimit të tre reagentëve mundësohet dhe rezultati.
Nëse jeni pozitivë shfaqen dy vija, dhe për negativ vetëm një vijë.
Pa.Va/ Fjala.al
