Chelsea nis me këmbën e mbarë Premier Ligën

113 563 lexime

106,048FansaPëlqeje

Mbrëmjen e djeshme blutë e Londrës debutuan zyrtarisht në ndeshjen e parë të sezonit të ri të Premier League, të cilën shorti ua kishte rezervuar në “Amex Stadium” përballë Brighton-it, sfidë që londinezët ia dolën t’a fitojnë me shifrat 1-3 dhe të largohen me 3 pikë.

Trajneri londinez Frank Lampard kishte aktivizuar në fushë që nga minuta e parë dyshen gjermane Werner-Havertz, nga futbollistët e afruar këtë verë, ndërsa mbajtja e shiritit të kapitenit i ishte besuar italianit Joginho.

Takimi nisi mirë për vendasit, por një gabim në mesfushë u shfrytëzua mjaft mirë nga londinezët, me Mount që nisi Werner në zonë dhe sulmuesin gjerman që dribloi saktë portierin e Brighton, por u pengua nga ky i fundit çka shkaktoi 11-metërsh.

Nga pika e bardhë e penalltisë shënoi në rrjetë mesfushori italian Jorginho, duke kaluar në avantazh londinezët. Ndërsa pjesa e parë u mbyll me përpjekjet e Brighton për të gjetur golin e barazimit por pa sukses.

Baraspesha u arrit në minutën e 54-t, kur Trossard lëshoi një goditje drejt portës së bluve, dhe portieri Kepa nuk arriti ta ndalë duke barazuar gjithçka.

Vetëm pas dy minutash mbrojtësi 20-vjeçar Reece James, i cili u shërbye nga Jorginho mbi vijën e zonës, lëshoi një të djathtë duke shënuar rrjetën për herë të dytë.

Në minutën e 66’ ishte mbrojtësi Kurt Zouma që mbylli llogaritë e ndeshjes, pasi u koordinua mirë me këmbë gjatë një krosimi nga këndi dhe dërgoi topin në rrjetë. Minutat e mbetura nuk sollën asgjë për bardhë e blutë e Brighton-it, ndërsa Chelsea e nisi me këmbën e mbarë kampionatin, duke marrë tre pikët e plota./Fi.Ak/Fjala.al


Të fundit

Deklarata e Xhelal Mziut/ Reagon ashpër Mero Baze: Urdhri është ‘vrisni këdo që dyshoni’

Analisti dhe gazetari Mero Baze ka reaguar ashpër pas publikimit të një videoje, ku drejtuesi politik i Partisë Demokratike...

Shokon Xhelal Mziu: Kemi ngritur grupet tona dhe çdo person i dyshimtë do ta pësojë njëlloj si ai i Elbasanit

Një ngjarje e rëndë tronditi Elbasanin dy ditë më parë (21 prill 2021) ku mbeti i vrarë me armë zjarri Pjerin Xhuvani. Xhuvani u...

Gjesti i turpshëm para grave dhe vajzave, ja si justifikohet Lulzim Basha

Bëri 'xhiron' dje në rrjetet sociale një video e kreut të PD-së, Lulzim Bashës, teksa bënte një gjest aspak të hijshëm, në sy të qindra grave...

Lajme të tjera

Web TV