Në një seancë që ka zgjatur më shumë se 6 orë, Gjykata kundër krimit dhe korrupsionit ka dënuar me 14 vite burg Arbër Çekajn, të akuzuar për sasinë rekord të 613 kg kokainë.
Togat e zeza dënuan me 8 vite e 8 muaj burg, shoferin e kamionit që transportoi kontenierët nga Porti i Durrësit drejt kompanisë arbri gardën në Maminas, Armando Pezakun, ndërsa për menaxherin e kompanisë Donaldo Lushaj u kërkuan 10 vite e 8 muaj burg.
Sipas prokurorisë Çekaj, akuzohet si organizator i grupit kriminal të trafikut të kokainës nga Kolumbia në Shqipëri.
Në sajë të hetimeve ka rezultuar se, kokaina ishte ngarkuar në Kolumbi në momentin që kontenieri ishte dërguar në një servis, me pretekstin se kishte disa vida për të rregulluar.
40-vjeçari Çekaj gjatë gjithë fazës së gjykimit i ka mohuar akuzat e prokurorisë. Ai kërkoi pafajësi, duke u shprehur se prokuroria dhe policia urdhëruan ndërprerjen e operacionit, me qëllim fshehjen e trafikantëve të vërtetë.
“Që droga nuk është e imja dhe për mua këtë s’duhet të jesh as filozosh, as jurist, as makiaveli për ta kuptuar. Kjo është një gjë që është fare e thjeshtë.
Duke më arrestuar mua, policia organi i akuzës bënë një akt të paprecedentë, arrestoi mua një pronar frutash për drogën e gjetur në kontenierin që nuk është pronë e imja”, tha Çekaj./Bl.Ba/Fjala.al
