Sot vijojnë ndeshjet e raundit të tretë kualifikues të kompeticionit më të rëndësishëm në futbollin evropian, Champions League.
Nënkampionët ukrainas të Dinamos së Kievit sfidojnë holandezët e AZ Alkmaar në stadiumin NSC Olympiyskiy mbrëmjen e sotme.
Bardhë e blutë e Mircea Lucescu humbën sfidën në fazat e grupeve të Ligës së Kampionëve sezonin e kaluar pasi u eliminuan nga belgët e Club Brugge me rezultatin 1-0.
Këtë herë ukrainasit presin në shtëpi skuadrën e drejtuar nga Arnold Slot. Fanella ukrainase është e vështirë për t’u mposhtur në shtëpi, megjithatë gjithçka mund të ndodhë në një ndeshje të luajtur prapa dyerve të mbyllura.
Nga ana tjetër, klubi hollandez filloi sezonin ri të kampionatit Eredivisie këtë fundjavë, që do të thotë se ata ende nuk kanë gjetur formën e tyre më të mirë fizike. Takimi i fundit midis dy ekipeve u zhvillua në Europa League dhjetë vite më parë, ku Dinamo i Kiev-it mposhti ekipin holandez pa ndonjë vështirësi.
Një duel tjetër i spikatur është ai i orës 20:00 ku PAOK-U i Selanikut pret në stadiumin Toumba Benfican e Lisbonës. Grekët e tejkaluan Beshiktash-in më lehtë seç pritej në raundin e dytë kualifikues, por do të kenë një sfidë mjaft të vështirë kundër shqiponjave të Primeira Liga. Për t’u mbajtur nën vëzhgim nga ekipi vendas do të jetë sulmuesi i Anglisë Chuba Akpom, i cili mund të përbëjë kërcënim për mbrojtjen portugeze.
Nga ana tjetër, Shqiponjat po luftojnë për të gjetur formën e duhur fizike pas pushimit të pandemisë, megjithse nuk ja dolën të mbrojnë trofeun e brendshëm. Benfica duket se vjen me ambicie të mëdha për sezonin e ardhshëm, me transferimet e verës si Luca Waldschmidt, Pedrinho, Everton dhe Darwin Nunez, të cilët do të ndihmojnë në përmirësimin e lojës së tyre.
Turi eliminator vijon me përballjen e orës 20:30, ku belgët e Gent sfidojnë ekipin e elitës së futbollit austriak, Rapidi i Vjenës./Fi.Ak/Fjala.al
