Policia e Elbasanit ditën e sotme ka ngritur tre postoblloqe me qëllim gjetjen e autorëve të krimit që tronditi qytetin mëngjesin e sotëm, vrasjen e Bujar Çelës.
Forcat “Shqiponja”,FNSH-ja dhe RENEA janë përqëndruar në tre pikat kryesore të qytetit të Elbasanit për kontrolle të imtësishme.
Postoblloqet janë ngritur në rrethrrotullimin “Bradasheshit”, tek rrethrrotullimi i “Luleve” si dhe në dalje të qytetit.
Gjatë kontrollit policia ka hasur me një automjet i cili nuk i është bindur forcave të policisë për kontroll dhe është larguar me shpejtësi me qëllim që mos të binte në “duart e policisë”.
Automjeti i cili duhej ti nënshtrohej kontrollit rutinë që po bëhej në zonë, është larguar me shpejtësi nga unaza e qytetit të Elbasanit drejt Librazhdit.
Forcat “Shqiponja” dhe Policia janë në ndjekje të personit i cili nuk i është bindur urdhrave. /Ra.My.Fjala.al/