Policia dhe Forcat e Ndërhyrjes së Shpejtë Shkodër kanë mësyrë në qarkun e Lezhës.
Sipas burimeve zyrtare, kjo lëvizje është pjesë e një plani masash për mbajtjen nën kontroll të situatës kriminale dhe rendit publik.
Që prej orës 18:00 të ditës së djeshme, janë ngritur 5 pika kontrolli në akset rrugore kombëtare dhe në zonat urbane.
Janë ushtruar kontrolle në dhjetëra mjete, banesa, lokale dhe ambiente të ndryshme.
Si rezultat është arrestuar 1 shtetas, është proceduar penalisht 1 tjetër, si dhe janë ndaluar 3 shtetas të shpallur në kërkim, për vepra të ndryshme penale.
Gjatë kontrolleve janë sekuestruar edhe tri armë zjarri./Bl.Ba/Fjala.al