Në veri-lindje të Japonisë,të dielën në prefekturën e Fukushimës është hapur Muzeu i parë publik që tregon trashëgiminë e aksidentit bërthamor të vitit 2011.
Muzeu në fjalë, që shërben si memorial i tërmetit të madh dhe katastrofës nukleare që pasoi, ndodhet në qytetin Futaba, ku në mars u hoq urdhri për evakuimin e popullsisë.
Futaba është një nga qytetet ku ndodhet impianti bërthamor i Fukushimës, tre reaktorë të të cilit u shkrinë pas tërmetit masiv dhe cunamit të marsit të vitit 2011.
Një nga banorët e zonës tregon se “Përpjekjet për të imagjinuar eksperiencën e tyre nuk mjaftojnë. Kush do të mësojë më shumë duhet të jetë aty”.
Muzeu ka ekrane të mëdha që tregojnë se si dukeshin komunitetet menjëherë pas aksidentit dhe se si ata u larguan nga zona.
Rreth 150 objekte dhe video janë në dispozicion të vizitorëve, të cilat tregojnë edhe përpjekjet e dekontaminimit dhe impaktin e zgjatur të aksidentit.
Gjithashtu, atje do të ketë edhe banorë vendas që do të rrëfejnë eksperiencat e tyre.
Hapja e muzeut ishte planifikuar fillimisht për në korrik, por u shty për shkak të pandemisë së koronavirusit. Ru. Do/ Fjala.al