Komisioni i BE: Plane ambicioze për një sistem të ri azili

113 563 lexime

77,309FansaPëlqeje

Për katër muaj duhet të arrihet ajo që nuk ka funksionuar katër vitet e fundit: Komisioni i BE paraqet plane ambicioze për një sistem të ri azili. Një sistem i ri evropian për azilin pritet të lehtësojë vendet e mesdhetare të BE-së pa mbingarkuar vendet e tjera anëtare.

Në “Paktin e Ri mbi Migracionin dhe Azilin” të paraqitur në Bruksel të Mërkurën, Komisioni i BE parashikon procedura të përshpejtuara në kufij.

Procedurë gjithëpërfshirëse në kufijtë e jashtëm

Propozimet e reja bazohen në një sistem të shkallëzuar në të cilin azilkërkuesit që kanë hyrë në mënyrë të parregullt duhet t’i nënshtrohen një procedure gjithëpërfshirëse në kufijtë e jashtëm të BE-së. Ata duhet të regjistrohen dhe identifikohen, të kontrollohen për gjendjen shëndetësore dhe rreziqet të mundshme që mund të paraqesim për sigurinë në BE.

Gjithashtu në kufi do të vendoset pjesërisht për të drejtën për azil. Ky do të ishte rasti, për shembull, për njerëz që vijnë nga vende të tilla që nuk kanë gjasa të marrin azil. Megjithatë “procedura normale e azilit” do të vazhdojë të jetë e mundur.

Strehim ose ndihmë për dëbimin e azilkërkuesve

Ndërsa azilkërkuesit e refuzuar do të riatdhesohen sa më shpejt që të jetë e mundur, të tjerët mund të shpërndahen në vendet e tjera të BE-së. Por vendet anëtare nuk janë të detyruar, por mund të pranojnë vullnetarisht të strehojnë azilantë të miratuar. Në rast se nuk duan ta bëjnë këtë gjë ata duhet të ndihmojnë për dëbimin e azilkërkuesve të refuzuar, pra të marrin pjesë në programin “return sponsorship”.

Nëse Hungaria nuk pranon të strehojë azilkërkues që gjenden në Greqi, ajo duhet të ndihmojë për dëbimin e tyre në Afganistan. Deri tani nuk është vendosur por Komisioni i BE dëshiron që të në fund të merret një vendim sipas së cilit të gjitha shtetet anëtare të detyrohen ose të pranojnë të strehojnë refugjatë ose të ndihmojnë për dëbimin e tyre. Ideja e kuotave të detyrueshme të shpërndarjes së refugjatëve në BE nuk ekziston më.

Lexo edhe :  Sulmohet shkolla fetare në Pakistan, 7 persona humbin jetën, 50 të tjerë plagosen rëndë

Seehofer mbështet planet e reja

 Propozimet dhe për ligjet e reja për azilin dhe masat shoqëruese do të diskutohen në Parlamentin e Evropës dhe në Këshillin e BE-së. Ministri i Brendshëm gjerman Horst Seehofer mbështet idenë e dëbimit e menjëhershem të azilkërkuesve të cilëve u refuzohet kërkesa nga vendet ku ata hyjnë në BE.

Në rast se shumica e atyre që hyjnë përmes kufijve të jashtëm të BE-së mund të dëbohen nga vendet ku hyjnë, problemi i shpërndarjes së atyre që u miratohet kërkesa merr një formë krejt të dryshme, tha ai.

Përfaqësues të shoqërisë civile i kritikuan planet e reja për reformimin e politikës së azilit në BE./ DW

 

 

Të fundit

Ekspertja ka një lajm të mirë për ata që konsumojnë makarona

Të konsumosh makarona të bën të lumtur, të ndihmon të flesh dhe ndihmon në dobësim. Mjaft më me mitet...

Peshëngritja vendos piketat e Asamblesë Zgjedhore, skualifikohet kandidatura e ish-presidentit

Skualifikohet kandidatura e Gjozës për president dhe dy kandidatura për Këshill Drejtues. Më 14 nëntor 2020, Federata Shqiptare e Peshëngritjes do të mbajë Asamblenë...

Momenti kur tërmeti shkatërron pallatin në Turqi (Video)

Ky është momenti i frikshëm kur tërmeti 6.9 ballë shkatërron një pallat në Turqi. Mediat vendase bëjnë me dije se si pasojë e lëkundjeve të...

Ardian Ismaili debuton për Specian, luan për afro 15 minuta në fitoren në Kupë

Luan për afro 15 minuta në fitoren 2-0 në Kupë në fushën e Çitadelës. Mbrojtësi i Kombëtares, Ardian Ismajli, ka mbetur i kënaqur me...

Mbyllje e dytë nga COVID-19? Basha: Po fshehin shifrat

Në bashkëbisedimin e tij të radhës me gazetarët, kreu i Partisë Demokratike, Lulzim Basha ka akuzuar ministren e Shëndetësisë Ogerta Manastirliu, e cila dje...

Lajme të tjera

Web TV