Seanca e sotme parlamentare pritet të ketë debate të “zjarrta”, ku edhe pse nuk është pjesë e renditet të ditës, fokusi i diskutimeve do të jetë hapja e listave!
Megjithatë, referuar rendit të ditës, seanca do të nis me interpelancën me ministren e Infrastrukturës, Belinda Balluku e kërkuar nga deputeti Koçi Tahisi për rrugën e Qafë- Plloçës.
Sot pritet gjithashtu të bëhet betimi i ministres së re të Arsimit, Evis Kushi, e cila zëvendëson Besa Shahinin, si edhe votimi për tre dekretet e rrëzuara nga presidenti Ilir Meta për shtetësinë, pronat e paluajtshme dhe “Për zhvillimin rajonal dhe kohezionin”.
Rendi i ditës i seancës plenare
Njoftimi i çështjeve të depozituara në Kuvend për shqyrtim.
lnterpelancë me ministren për Infrastrukturën dhe Energjinë kërkuar nga një grup deputetësh.
Dekreti i Presidentit të Republikës nr. 11.591, date 10.08.2020 “Për kthimin në Kuvend të ligjit nr. 113/2020 “Për shtetësinë”.
Dekret i Presidentit të Republikës nr. 11.590, datë 10.08.2020 “Për kthimin në Kuvend të ligjit nr. 111/2020 “Për disa shtesa në ligjin nr. 8743, datë 22.02.2001 “Për pronat e paluajtshme të shteti t” të ndryshuar””.
Dekret i Presidentit të Republikës nr. 11.589, datë 10.08.2020 “Për kthimin në Kuvend të ligjit nr. l 02/2020 “Për zhvillimin rajonal dhe kohezionin”.
Dekret nr. 11.731, datë 17.09.2020 “Për shkarkim ministri”.
Dekret nr. 11.732, datë 17.09.2020 “Për emërim ministri”.
Njoftim/miratim i draft kalendarit tri javor të punimeve të Kuvendit për periudhën 28 shtator – 16 tetor 2020″.
Diskutime për çështje jashtë rendit të ditës./Bl.Ba/Fjala.al
