Në ishullin grek Kastelorizo ka ndodhur një ngjarje e paprecedentë. Një dron ka njollosur me ngjyrë të kuqje flamurin grek i cili ndodhej pak kilometra larg tokës turke.
Banorët e ishullit deklarojnë se në orën 07:00 të mëngjesit i shqetësoi një dron që fluturoi për 40 minuta në ajër.
Ata deklarojnë se Droni kishte altoparlantë që luanin himnin e Turqisë, teksa u afrua dhe hodhi bojë të kuqe mbi flamurin grek, i cili është vizatuar në formë grafiti në një nga shkëmbinjtë e fshatit.
Ky akt ndodh në mes të tensioneve Greqi-Turqi, për Mesdheun Lindor, aty ku ndodhet dhe ishulli i Kastelorizo që prej vitesh ndjen këto përplasje shtetërore si dhe rrymën e emigrantëve që vijnë nga Lindja e Mesme.
Greqia mendon se është një provokim por para konfirmimit po heton nëse droni ka ardhur nga toka turke, që ndodhet shumë afër ishullit apo nga brenda ishullit.
La.Mi/Fjala.al