Avokati i njohur Kujtim Cakrani ka bërë një denoncim në rrjetin social Facebook.
Denoncimi ka të bëjë me publikimin e librave, fotove apo simboleve të diktaturës. Ai thekson se në Gjermani ka një ligj të posaçëm që e ndalon këtë gjë. Ndër të tjera, Cakrani bashkangjit edhe një video në postimin e tij ku dallohen libra të kësaj natyre që tregëtohen në Shqipëri. Ai shton se në vendin tonë nuk ka një ligj që e ndalon këtë gjë.
Postimi i plotë:
“Konstatim!
Në Gjermani dhe Itali është e ndaluar me ligj publikimi dhe propaganda Naziste apo Fashiste, natyrisht edhe publikimi i librave apo përdorimi fotove, simboleve të diktatoreve Hitler dhe Musolini.
Gjithashtu edhe në vendet ish komuniste të lindjes janë të ndaluar me ligj glorifikimi apo përdorimi fotove ish diktatorëve të tyre, dhe propaganda komuniste.
Po në Shqipëri?
Jo nuk ka një ligj të ndaloj propagandën apo publikimin dhe glorifikimin diktatorët dhe simboleve të diktaturës…”, shkruan ai.
Pa.Va/Fjala.al