Dita e sotme ka qenë një ditë “Jo” për dy skuadra ‘Big’ si Bayern Munich dhe Manchester City. Këta të fundit janë turpëruar nga 5-2 në shtëpi.
“Dhelprat” janë bërë skuadra e parë në historinë e Premier League që kanë shënuar tre penallti në një ndeshje të vetme. Ndërkohë, për herë të parë pas 686 ndeshjes si trajner, Pep Guardiola ka parë skuadrën e tij të pësojë 5 gola. Kjo sfidë ka thyer rekorde të tjera pasi ka qenë hera e parë në 438 ndeshje të luajtura në të gjitha kompeticionet në Etihad Stadium që Manchester City ka pësuar pesë gola. Vardy tre herë, Maddison dhe Tielemas ishin autorët e golave për Leicester ndërkohë që nga City shënuan Ake dhe Mahrez. Ky i fundit përjetoi humbje të thellë ndaj ish-skuadrës së tij.
Më herët ishte edhe Bayern Munich që mori një humbje befasuese ndaj Hoffenhaim në transfertë. Goli i Kimmich shërbeu vetëm për statistika pasi dopieta e Kramaric me golat e Dabbur dhe Bicakcic gjunjëzuan kampionët e Gjermanisë dhe Europës.
Bayern Munich pëson një disfatë pas 23 ndeshjesh radhazi dhe pëson 4 gola nga modestët e Hoffenheim. Kjo sfidë mesa duket do të jetë si referencë nga Hansi Flick për ti thënë skuadrës të qëndrojë me këmbë në tokë.
Pa.Va/Fjala.al
