Gjykata e Beratit ka caktuar sot masat e sigurisë për 6 të arretuarit 2 ditë më parë në Skrapar.
Gjatë një operacioni policor të koduar “Kanioni” janë gjetur dhe sekuestuar një sasi prej 1765 kg ‘Canabis Sativa’ e presuar.
Nga prokurori i çështjes Gentjan Abazi është kërkuar masa e sigurisë “arrest me burg” për 6 të arrestuarit, por nga gjyqtari Pëllumb Zaimi është vendosur për 4 prej tyre arrest me burg ndërsa për policen Anxhela Beshirin ka vendosur masën “arrest shtëpie” dhe për kryeplakun e fshatit Çorogjafë, Fatos Lamaj, “Detyrim paraqitje”.
Për 4 të arretuarit e tjerë Arben Lekli, Albano Bendo, Sefedin Dokaj dhe Fatjon Beshiri, gjykata e Beratit ka vendosur masën e sigurisë “arrest me burg” pa afat.
Shtetasit e sipërpërmendur u arrestuar 2-ditë më parë nga policia në kuadër të operacionit policor “Kanioni”. Pas një hetimi 1-mujor, gjatë kontrollit të ushtruar në banesën e shtetasit Arben Lekli dhe ambientet e tjera përreth saj u gjetën dhe sekuestruan në cilësinë e provës materiale 176.5 kg lëndë narkotike “canabis sativa”.
Në kuadër të këtij operacioni u shpall në kërkim edhe administratori i Njësisë Administrative Tërpan,T.Z,për veprën penale “Shpërdorim detyre” si dhe u proçedua në gjendje të lirë shtetasi 14-vjeçari T.Beshiri, banues në Durrës. Të arrestuarit akuzohen për veprat penale: “Prodhimi dhe shitje të narkotikëve”, e kryer në bashkëpunim dhe “Shpërdorim detyre”./Ra.My.Fjala.al/