Hemilton-Mercedes, një kontratë dhe 130 milionë Euro për 3 vjet në mes…

113 563 lexime

124,178FansaPëlqeje

Supozohej të ishte një çështje e mbyllur prej muajsh, pasi dukej si dukej si një “martesë e bërë në parajsë. Por Ljuis Hemiltoni dhe “Mercedes”-i ende nuk e kanë nënshkruar kontratën e re, nga e cila piloti britanik pritet që të përfitojë 130 milionë Euro në 3 vitet e ardhshme.

Por palët ende nuk janë ulur për bisedime, për shkak të situatës së paqartë, të shkaktuar nga virusi korona. Rinovimi i kontratës së Ljuis Hemiltonit do të ishte në rrugën e duhur nëse palët do të ishin ulur për të negociuar.

Në fakt, ata kurrë nuk e kanë bërë këtë. Toto Volfi dhe piloti britanik gjejnë kohë midis garave, jashtë pistave, ndonjë pasdite, ndërsa shijojnë pica, natyrisht vegane, për të diskutuar detajet e një kontrate, të cilat do t’i diskutojnë me avokatët më vonë. Kalendari na detyron të mendojmë se konfirmimi i vazhdimësisë së tij në Formula 1 me “Mercedes”-it është i afërt. Ka javë pushimi midis Soçit, Nyrburgringut dhe Portimaos.

Dhe lajmi do të ishte një publicitet i mirë për ekipin gjerman në garën që do të bëhet në shtëpinë e vet. Sa i përket kohëzgjatjes së kontratës, pyetja është nëse do të jetë dy apo 3 vjet. E sigurt është që ky mund të jetë rinovimi i fundit i Hemiltonit si pilot i Formulës 1.

Tanimë 35 vjeç, 260 gara, 90 fitore, 96 pole dhe 159 podiume, në rrugën drejt fitimit të shtatë titujve, garancia e suksesit që “Mercedes”-i i ka ofruar që nga viti 2013 ka eklipsuar çdo mundësi për të shkuar diku tjetër, përfshirë edhe “Ferrari”-n në vitet e fundit.
Hemiltoni ka pilotuar gjithmonë me një motor “Mercedes”, edhe kur ishte tek “MekLaren”-i dhe firma gjermane nuk dëshiron të humbasë imazhin e tij, duke e lënë atë të largohet tani.

Lexo edhe :  Disa mënyra se si të lehtësosh sikletin e alergjive në pranverë

Megjithatë Ljuisi është shprehur se për vazhdimësinë duhet të presin njëherë, pasi të sqarohet situata e epidemisë. Këtu hyn edhe paga e britanikut. Sipas të përditshmes britanike, “Daily Mail”, kontrata e tij e re mund të shkojë deri në 130 milionë Euro në 3 sezone. Por ata i kanë mohuar shifra kaq të larta për muaj të tërë.

La.Mi/Fjala.al

Të fundit

E keni menduar ndonjëherë? Zbuloni çfarë i ndodh trupit nëse konsumoni çdo ditë supë

Edhe pse supa konsiderohet si një ushqim i mirë për rastet kur keni temperaturë ose ndonjë sëmundje tjetër, duhet...

U pështy në fytyrë, Tavo: Interesat e vogla kanë marrë peng komunutetin himariot

Prefekti i qarkut të Vlorës, Vangjel Tavo u përball me një incident në mbledhjen e Këshillit Bashkiak ku do zgjidhej drejtuesja e komanduar e...

Diabeti, ndotja e ajrit dhe konsumimi i alkoolit 3 faktorët e rrezikut të demencës

Diabeti, ndotja e ajrit dhe konsumimi i alkoolit mund të jenë faktorët më të mëdhenj të rrezikut të demencës, sipas një studimi të ri. Studiuesit...

U zgjodh të drejtojë Bashkinë e Himarës, reagon për herë të parë Blerina Bala

Blerina Bala ka bërë reagimin e parë pas zgjedhjes nga Këshilli Bashkiak si kryetarja në detyrë e Bashkisë Himarë, e cila do ta mbajë...

Rritja e Euros si “flakë kashte”, pse ndodhi luhatja e monedhës europiane?

Rritja e kursit të këmbimit Euro-Lek që ndodhi ditën e mërkurë është shfryrë plotësisht dhe kursi është rikthyer përsëri pranë niveleve më të ulëta...

Lajme të tjera

Web TV