Drejtori i përgjithshëm i grupit mediatik “Fjala”, Roland Qafoku deklaroi se në Partinë Demokratike ka një ‘defekt’ që është i dukshëm.
I ftuar në emisionin “Arena” në RTV Ora, Qafoku deklaroi se sot në selinë blu mungon fryma masive që kjo parti po vjen në pushtet, pavarësisht se ata shprehen të bindur në fitore.
“Fitorja në PD nuk është e sigurt. Zoti Rama e thotë publikisht që kërkon me çdo kusht mandatin e tretë. Mu kujtua Fatos Nano në vitin 2002 kur tha: “Unë dua 84 vota që Presidentin ta kemi ne” dhe që aty filloi edhe rënia e Nanos. Por nuk jemi në të njëjtat kushte. Në Partinë Demokratike sot ka një problem dhe duhet ta themi këtë gjë. Për herë të parë pas 8 vjetësh ne nuk shikojmë një frymë masive që kjo parti po vjen në pushtet. Unë e kam thënë edhe më parë, në vitin 2005 të gjithë thoshin “Iku Nano, do vijë Berisha”,në vitin 2013 të gjithë thoshin “Iku Berisha, do vijë Rama”. Në Partinë Socialiste sot thonë të sigurt që ne do fitojmë. PD është në opozitë sepse nuk janë të sigurt. Ai që është në pushtet ka gjithmonë një avantazh”, u shpreh Qafoku
Pa.Va/Fjala.al