Një gazetare u vetëflijua përpara Ministrisë së Brendshme në qytetin e Nizhny Novgorod, në Rusi.
Ajo i vuri zjarrin vetes një ditë pasi apartamenti i saj u kontrollua nga forca të shumta policie. Përpara se të bënte këtë akt, gazetarja Irina Slavina shkroi në rrjetet sociale, ku iu drejtohej ndjekësve të saj që të fajësonin Federatën Ruse për vdekjen e saj. Slavina punonte në një gazetë të vogël lokale, e cila e konsideronte veten si të pacensuruar dhe që nuk merrte urdhra “nga lart”.
Një ditë përpara vdekjes ajo tregoi në rrjetet sociale se hetues dhe policë kontrolluan apartamentin e saj në kërkim të “broshurave, pameteve apo llogarive” nga grupi opozitar “Rusia e Hapur”, i cili nancohet nga kritiku i Kremlinit, Mikhail Khodorkovsky. Komiteti i Hetimit Rus, ndërkohë, njofton se ka hapur një hetim paraprak për shkaqet e vetëvrasjes së gazetares në qytetin Nizhny Nogorod.
Pa.Va/Fjala.al
