Deputeti i Partisë Socialiste, Alket Hyseni ka folur për votimin në parlament të Kodit Zgjedhor.
Hyseni deklaroi se qëllimi i opozitës ka qenë zvarritja e procesit. Ai është shprehur se mazhoranca ka bërë gjithçka që të bjerë dakord me opozitën, por ata nuk mund të prisnin deri në pafundësi.
“Kodi nuk është i ri , ka kohë që është aty. Kemi bërë gjithçka që të biem dakord me opozitën për këtë Kod Zgjedhor. Ne nuk kishim kohë që të prisnim. Opozita në parlament ka pasur si qëllim vetëm zvarritjen. Opozita nuk ka sjellë fare qëndrimet e veta. Ata arritën në përfundimin absurd që të mos preket kodi.
Çdo jurist e di se do prekej Kodi, opozita donte atë kod të vjetër. Disa herë donin Kode Zgjedhore të disa vendeve dhe e panë se nuk iu leverdiste asnjë prej tyre. Ne ishim dakord me çdo sistem që e kanë vendet e shteteve perëndimore”, tha Hyseni.
Pa.Va/Fjala.al
