Reshjet e dendura të shiut kanë sjellë vështirësi për lëvizjet me makina. Bashkia e Vlorës, përmes faqes zyrtare i ka bërë thirrje qytetarëve që të shmangin lëvizjet e panevojshme me makinë, pasi reshjet do të vijojnë të dendura dhe si pasojë mund të ketë përmbytje.
“Për shkak të shirave të dendur, duhet të keni kujdes edhe me vendin e parkimit të makinave dhe të jeni të vëmendshëm për vendet që rrezikojnë të përmbyten!
Paralajmërimet e meteorologëve për shira të vazhdueshëm, na bëjnë të jemi të kujdesshëm,” shkruhet ndër të tjera në njoftimin e Bashkisë së Vlorës. La.mi/Fjala.al