Kryeministri Rama ka reaguar pas mesazhit të Metës ku ky i fundit përshëndet dorëheqjen e Presidentit të Kirgistanit.
Rama i kujton Presidentit se krim zgjedhor në Republikat Parlamentare është edhe përfshirja e presidentit si palë në zgjedhje me thikë në gojë
Ndërsa thekson se futja e Presidentit nëpër skuta ku vënë baste ilegale subjektet e OFL është krim mendor.
“Ilir, krim zgjedhor në Republikat Parlamentare është edhe përfshirja e presidentit si palë në zgjedhje me thikë në gojë! Ndërsa futja e Presidentit skutave nëpër lokale ku vënë baste ilegale subjektet e OFL për të propaganduar rrëzimin e qeverisë me revolucion është krim mendor!” shkruan Rama në Twitter.
Pak minuta më parë Meta ka përshëndetur veprimin e Presidentit të Kirgistanit si një veprim demokratik dhe e ka quajtur popullin “trim” që i tregoi mbarë botës demokratike si rrëzohen regjimet.
“Përshëndes dorëheqjen e Presidentit të Kirgistanit pas manipulimit të zgjedhjeve të fundit, që nuk u pranuan nga populli i revoltuar me shumë të drejtë.
Populli trim i Kirgistanit i tregoi mbarë botës demokratike si rrëzohen regjimet që bazohen mbi shtypjen, manipulimin, oligarkinë dhe poshtërimin e qytetarëve.
Autorët e krimeve zgjedhore dhe dhunës kriminale të vihen para përgjegjësisë! ?????”, shkroi Meta. /Ra.My.Fjala.al/