Shërbimi Meteorologjik Ushtarak ka paralajmëruar qytetarët se vendi ynë do të përfshihet nga moti i keq gjatë orëve në vijim deri ditën e nesërme.
Sipas SHMU gjatë orëve në vijim do të ketë sasi të mëdha reshjesh veçanërisht në pjesën veriore të vendit dhe gradualisht edhe në pjesën qendrore. Gjithashtu, bëhet me dije se do të ketë shtrëngata dhe rrebeshe shoqëruar edhe me shkarkesa elektrike.
“Reshjet e shiut tashme janë bërë prezente në pjesën jugore të vendit, gradualisht reshjet e shiut do të shtrihen edhe në pjesën tjetër të territorit. Reshjet do të jenë me intensitet të ulët deri mesatar. Në orët e mbrëmjes e deri në orët e mëngjesit të ditës së Premte reshjet e shiut do të fitojnë intensitet deri të lartë, hera-herës në formën e shtrëngatave dhe rrebesheve, shoqëruar me shkarkesa elektrike. Më intensive reshjet pritet të jenë në qarqet Shkodër, Lezhë, Durrës, Tiranë, Fier, Vlorë, Gjirokastër.”, shkruan SHMU.
Ndërkohë, mediat italiane shkruajnë se rryma ajrore nga Evropa Veriore, do të sjellë edhe një vorbull ciklonike por shoqëruar edhe me reshje dëbore në zonat me lartësi malore.
Ditët e fundit, vendi ynë është karakterizuar nga një mot kryesisht i paqëndrueshëm.
Pa.Va/Fjala.al