Ministria e Brendshme ka publikuar para pak ditësh ekstraktin e parë të listave zgjedhore për zgjedhjet për Kuvendin e Shqipërisë, të datës 25 Prill 2021.
Në këtë listë me të drejtë vote rezultojnë 3.608.003 qytetarë. Tashmë njësitë bashkiake do duhet të bëjnë publikim periodik të listës së votuesve të përditësuar deri në listën përfundimtare.
Nga të dhënat paraprake të gjeneruar nga Drejtoria e Përgjithshme e Gjendjes Civile, rezulton se të drejtën e votës e kanë 3,608,003 shtetas.
Ndër ta, rreth 50.5% e zgjedhësve janë meshkuj dhe rreth 49.5% femra.
Tashmë njësitë bashkiake të gjendjes civile do duhet të afishojnë në mënyrë periodike listën e votuesve të firmosur nga kryetari i bashkisë përkatëse deri në e printimin e listës përfundimtare të zgjedhësve.
Më pas qytetarët do duhet të bëjnë verifikimet emrin e tyre në këto lista proces ky që mund të kryhet dhe online përmes portalit e-Albania.
Përpilimi i listave të votuesve për zgjedhjet e 25 prillit 2021 është shoqëruar me shumë akuza nga ana e PD-së. Kjo e fundit pretendon se ministria e brendshme ka manipuluar listat e zgjedhësve me ndryshimin e qendrave të vendbanimit të tyre.
Këto akuza të opozitës u shoqëruan edhe me një padi ndaj ministrit të brendshëm Sandër Lleshaj.
Si mund të verifikoni qendrën e votimit
Shërbimi elektronik “Verifikimi i qendrës së votimit” i mundëson çdo shtetasi shqiptar të kontrollojë nëpërmjet portalit e-albania adresën e qendrës së votimit se ku është caktuar të votojë.
Të dhënat e përdoruesve shfaqen automatikisht nga databaza e Gjendjes Civile dhe Adresarit, të cilat administrohen nga Drejtoria e Përgjithshme e Gjendjes Civile.
Në asnjë rast e-Albania nuk modifikon të dhënat e publikuara.
Dokumentacioni i nevojshëm
– Dokument identifikimi : Kartë Identiteti ose pasaportë biometrike ( i nevojshëm për t ‘u loguar në portal)
Hapat e procedurës
– Identifikohuni si qytetar në portalin qeveritar e-Albania
– Zgjidhni shërbimin “Verifikimi i qendrës së votimit”
– Klikoni butonin “Përdor”
– Në formularin e shfaqur, kontrolloni qendrën tuaj të votimit se ku do të votoni.
Koha e nevojshme e marrjes së shërbimit
Menjëherë
Periudha e vlefshmërisë
Pa afat
Kostot
Pa pagesë./Bl.Ba/Fjala.al
