Ministrja e Shëndetësisë, Ogerta Manastirliu u bëri thirrje qytetarëve të ndihmojnë epidemiologët duke respektuar masat, në luftën ndaj Covid-19.
Manastirliu shprehu vlerësimet e saj për punën 7-mujore ekipeve të epidemiologëve. Përveç mbajtjes së maskës, e cila tashmë është e detyrueshme, ajo u bëri apel qytetarëve të ruajnë distancën dhe të kujdesen për higjenën.
“Ditë e natë në terren, prej më shumë se 7 muajsh, ekipet e epidemiologëve në çdo cep të vendit, po bëjnë një punë të palodhur për gjurmimin, hetimin dhe izolimin e vatrave, për të kufizuar përhapjen e infeksionit. T’i ndihmojmë së bashku, duke respektuar rregullat”, shkruan Manastirliu në facebook.
Kujtojmë se ditën e sotme u shënua rekord me 4 viktima dhe 289 raste të reja pozitive, shifra më e lartë që nga fillimi i pandemisë në vendin tonë.
Pa.Va/Fjala.al