Ansi Agolli: Vetëm biznesi e shpëton futbollin, ndaj lipset një Ligj i saktë Sponsorizimi

113 563 lexime

124,178FansaPëlqeje

Ai është një nga futbollistët më të spikatur të brezit të tij dhe jo rastësisht ka mbajtur edhe shiritin e Kombëtares kuqezi, ndërsa ka shijuar edhe përvojën e dy veprimtarive madhore të klubeve të kontinentit, Ligës së Kampioneve dhe Ligës së Evropës.

Tanimë 38-vjeç, Ansi Agolli po e provon fatin në Shtetet e Bashkuarara, por kjo nuk do të thotë se ai është shkëputur nga futbolli shqiptar, të cilin e ndjek vazhdimisht. Por, siç dihet, Shqipëria është i vetmi vend në botë që ende nuk kemi nisur sezonin për shkak të bojkotit të Liges Profesioniste që kërkon miratimin e Ligjit për Sponsorizimet si kusht bazë.

“Në çdo aspekt si shtet, kemi qenë dhe jemi mbrapa, mirëpo jemi ende në kohë për të përmirësuar disa gjëra që në pamje janë të vogla, por shumë të rëndësishme për të çuar përpara një sport, që është mjaft i dashur për vendin tonë, – ka thënë ish-futbollisti i Kombëtares, në një intervistë dhënë për “TeleSport.al”. – Përveçse të arrish në Kupat e Evropës, të ardhurat në klubet shqiptare janë pothuajse zero. Kjo gjë i bën investitorët në futboll, apo edhe në sporte të tjera të jenë të kursyer e shumë prej tyre edhe të frikësuar për faktin se investimet e tyre do të shkojnë dëm. Kemi parë shumë biznesmenë që kanë pasur skuadra të tërhiqen nga investimi në sport dhe i mirëkuptoj plotësisht.”

“Ky është momenti ku me anë të këtij ligji të kthesh edhe një herë njerëzit e biznesit, të investojnë në futboll sidomos në kampionatin shqiptar, sepse sa më shumë investim të ketë aq me shume rritet kualiteti i klubeve, – ka vijuar lojtari i dalë nga Tirana. – Me aprovimin e këtij ligji, hapet një kapitull mjaft i rëndësishëm për futbollin shqiptar që padyshim është diçka mjaft pozitive për të ardhmen. Uroj të miratohet sa më shpejt dhe që topi të fillojë sërish së rrotulluari në Shqipëri.” Ai ka luajtur që fëmijë në Shqipëri, këtë problematikë e ka hasur vetë duke ditur se futbolli është për shumicën një mundësi për të jetuar.

Dhe nëse klubet nuk kanë mundësi financìare bëhet edhe më e vështirë të ketë rregullësi në rroga. Ndaj Agolli ka një apel për shtetin.

Lexo edhe :  Laporta nuk dorëzohet për Superligën: “Do të kishim fituar shumë para”

“E kam hasur personalisht kur kam luajtur edhe vetë te Tirana dhe në një farë mënyrë i mirëkuptoja ato biznesmenë, të cilët kishin probleme me pagesat, por për shumë futbollistë në Shqipëri ajo rrogë është mënyra e vetme e jetesës ndaj dhe apeli im është që qeveria duhet të reflektojë, sepse është një mundësi mjaft e mirë për ta çuar futbollin në Shqipëri në një nivel akoma më të lartë se sa është tani, – ka rrëfyer ai. – Siç e thashë më lart, futbolli është sporti më i dashur në Shqipëri nga çdo njeri.”

Shqipëria është i vetmi vend evropian që ka 1 fushë futbolli për 100 mijë banorë, shumë pak për të mos thënë asgjë fare dhe Ansi Agolli e ka të qartë se pa elementin bazë, futbolli nuk mund të shkojë kurrkund.

“Sepse askush nuk do të investojë, sidomos në terrene, sepse nuk i kthehet asgjë mbrapa, – ka theksuar futbollisti që një pjesë të konsiderueshme të karrierës e kaloi tek klubi azer i Karabagut. – Fushat e futbollit janë gjëja më e rëndësishme, që futbolli jonë ka, sidomos akademitë, por edhe skuadrat profesioniste dhe padiskutim që sa më shumë të jenë aq më shumë rritet edhe cilësia.”

Pa.Va/Fjala.al

Të fundit

“Ema, babi yt i heq jorganin vajzave…”/ Egla ngacmon Jetmirin, ja si reagon ai

Ditët në shtëpinë më të ndjekur të ‘BBV3’, vazhdojnë të jenë të zhurmshme. Pasditen e sotme, teksa qëndronin në...

Detaje të reja nga vrasja e Pëllumb Metës/ Arma u ble 1 ditë para krimit, tjetër person..

Rreth një muaj më parë, opinioni publik u shokua nga një ngjarje e rëndë e ndodhur në Shënavlash të Durrësit, ku Pëllumb Meta u...

Porositi ekzekutimin e ish-bashkëshortes, jepet pretenca për avokatin Alban Bengasi

Prokuroria ka kërkuar këtë të enjte 6 vite e 6 muaj burg për avokatin Alban Bengasi i cili akuzohet se ka porositur eliminimin e...

Gazetarja Anduena Llabani: Jam ngacmuar nga politikanë dhe personazhe të botës së krimit

Flirtet dhe ngacmimet në sferën politike, e kudo, kundrejt personazheve vajza dhe gra, kanë ndodhur dhe mesa duket ende vazhdojnë të bëhen nga persona...

“Listat e kandidatëve, në mars”, Basha gënjen sërish, nuk nxori asnjë emër

“Dhe brenda 31 marsit, 140 kandidatë për deputetë të Partisë Demokratike gati për procesin zgjedhor, në çdo moment”, zotohej Basha. Shumë ndoshta prisnin që të...

Lajme të tjera

Web TV