Presidenti Meta gjatë një konference për shtyp ka thënë se vizita e ministrit të Jashtëm grek ditën e nesërmë bëhet vetëm për të hequr vëmendjen nga zgjedhjet e 25 prillit.
Dendias do të vijë në Shqipëri për marrëveshjen e detit Shqipëri-Greqi, dhe sipas Presidentit këto janë marifete për të harruar problemin e vërtetë.
“Kjo është një pyetje që nuk ka vend në këtë konferencë, besoj që e ka marrë me kohë përgjigjen, kam qënë bashkëpunues dhe transparent me aktorët vendas dhe ndërkombëtar, ndërkohë që prej vitesh nuk kam marrë asnjë përgjigje për këtë çështje, për kërkesat e mia zyrtare. Kjo çështje kërkon bashkëpunim mes autoriteteve shqiptare. Nuk mund të zhvendoset vëmendja e madhe e shqiptarëve për zgjedhjet e ardhshme te kjo ngjarje. Shkelja brutale e marrëveshjes së 5 qershorit është provokim i rëndë për paqen dhe stabilitetin në vend, çdo lloj marifeti për të sjellë çështje të tjera që harrojnë të bëjnë të harrohet kjo cështje madhore le ta harrojnë marifetçinjtë”,– u përgjigj Meta.
Ministri i Jashtëm grek, Nikos Dendias do të takohet me homologun e tij në Shqipëri ditën e nesërme, në kontekstin e diskutimeve që kanë filluar tashmë, për zonën ekonomike ekskluzive në detin Jon. /Ra.My.Fjala.al/