Ambasada e Shqipërisë në Athinë ka njoftuar të gjithë qytetarët të cilët kanë aplikuar për pajisjen me dokumente biometrikë se ka rifilluar shërbimi postar për dërgesat në shtëpitë e tyre brenda rajonit të Atikës.
“Qytetarët shqiptarë në përfundim të procedurës në sportelin e aplikimit kanë mundësinë e plotësimit të një deklarate me përgjegjësi mbi adresën e saktë të banimit dhe pranimin për tërheqjen e dokumenteve biometrikë me anë të shërbimit postar”, thuhet në njoftimin e ambasadës.
Në njoftimin e ambasadës bëhet me dije se ky shërbim ofrohet për lehtësimin e procedurave ndaj qytetarëve./Jo.Be/Fjala.al