Besimi i të rinjve tek demokracia është më i ulët se çdo grupmoshë tjetër.
Brezi i të lindurve në vitet ’80 deri në 2000-shin janë më të pakënaqurit me demokracinë sesa çdo brez tjetër i mëparshëm në të njëjtën fazë të jetës.
Një studim i realizuar nga Qendra për Ardhmërinë e Demokracisë në Universitetin e Kembrixhit, zbuloi se pothuajse në pjesën më të madhe të botës, grupmosha 18-34 vjeç, është e pakënaqur me demokracinë.
Studiuesit zbuluan se të rinjtë ndjehen më mirë me demokracinë nën udhëheqjen e liderëve populistë, qofshin ata të majtë dhe të djathtë.
Rezultatet e këtij studimi erdhën si rezultat i një i regjistri të dhënash, i cili konsiderohet si më i madhi në botë që është krijuar ndonjëherë në lidhje me legjitimitetin e demokracisë.
Studiuesit e Kembrixhit bashkëpunuan me Projektin e Sondazheve HUMAN për të përpiluar të dhënat e 5-së milionë të anketuarve në mbi 160 vende midis viteve 1973 dhe 2020, të cilët u pyetën nëse ishin të kënaqur me demokracinë në vendin e tyre.
“Ky është brezi i parë në shumicë botërore që janë të pakënaqur me mënyrën se si funksionon demokracia gjatë të njëzetave dhe të tridhjetave“, thotë dr. Roberto Foa, autori kryesor i studimit.
“Nga mesi i të tridhjetave, 55 për qind e të lindurve pas vitit 1980 thonë se janë të pakënaqur me demokracinë, ndërsa nën gjysma e Gjeneratës X [lindur nga vitet 1960 deri në fund të viteve 1970] ndiheshin të njëjtën mënyrë në atë moshë”, thotë ai.
Evropa Jugore, Amerika Latine, Afrika nën-Sahariane dhe demokracitë anglo-saksone, përfshirë Britaninë e Madhe dhe Shtetet e Bashkuara të Amerikës janë katër rajonet që udhëheqin trendin./Re.D/Fjala.al
