Qeveria e Republikës së Maqedonisë së Veriut ka miratuar propozimet e Komisionit për Sëmundje Infektive për masat e reja anti-Covid.
Pushteti ekzekutiv ka urdhëruar kufizimin e kapaciteteve në transportin publik në 50 për qind dhe kufizimin e punës së operatorëve ekonomik apo gastronomisë deri në orën 23:00.
Administrata shtetërore, komunat dhe organet gjyqësore duhet të rregullojnë orarin e punës me turne dhe nga distanca.
Çdo masë tani do të hyjë në fuqi me vendim të Qeverisë, duke u bazuar në dispozitën e përgjithshme të paparë në propozimin i cili duhet të futet në procedurë parlamentare.
Maqedonia regjistroi 161 raste të reja dhe 12 viktima nga Covid-19 gjatë 24 orëve të fundit.
Numri i përgjithshëm i viktimave nga Covid-19 në Maqedoninë e Veriut është 846 dhe numri i të infektuarve ka prekur shifrën 23 788./Jo.Be/Fjala.al
