Dy zyrtarë të ARRSH Durrës kanë përfunduar në prangat e Policisë dhe specialistëve të krimit ekonomik në kuadër të operacionit “By Pass”. Mësohet se 2 personat e arrestuar ishin në kërkim për “shpërdorim detyre”.
Ata akuzohen se në bashkëpunim me disa zyrtarë të tjerë të ARRSH Durrës, kanë dhënë leje në kundërshtim me Kodin Rrugor për një karburant në anë të rrugës nacionale Plepa-Kavajë, i cili është bërë burim aksidentesh rrugore.
Ata janë Astrit Zenelaj, 56 vjeç dhe Rezart Arkaxhiu 36 vjeç me detyrë ndërtues. Sakaq edhe biznesmeni Mustafa Koka është ende i shpallur në kërkim.
Ndërkohë Prokuroria e Durrësit ka lëshuar urdhër-arreste për 9 ish-zyrtarë të ARRSH-së nën akuzën e shpërdorimit të detyrës ndërsa Gjykata ka lënë të lirë dy prej tyre. Për këtë çështje Prokuroria ende vijon hetimet./Bl.Ba/Fjala.al