Helmimi i Navalny/ Putin: Ja çfarë do kishim bërë nëse do të donim që ai të vdiste

113 563 lexime

124,178FansaPëlqeje

Presidenti rus, Vladimir Putin thotë se ai personalisht ka intervenuar, në mënyrë që lideri opozitar rus, Aleksei Navalny të mund të dërgohej në Gjermani për shërim, pasi ishte helmuar me agjentin nervor noviçok në muajin gusht.

Duke folur në një paraqitje televizive më 22 tetor, Putin po ashtu tha se nëse autoritetet ruse do kishin dashur që Navalny të vdiste, atëherë Moska nuk do ta lejonte që ai të fluturonte drejt Berlinit, ku 44-vjeçari po kurohet pasi helmimi për pak sa nuk i mori jetën.

Navalny, një kritik i madh i Putinit dhe një aktivist kundër korrupsionit, e ka fajësuar presidentin rus, se qëndron prapa helmimit të tij, një akuzë të cilën Kremlini e ka hedhur poshtë. Autoritetet ruse gjithashtu po përballen me presionin për të nisur një hetim kriminal për rastin e helmimit dhe kanë kritikuar liderët perëndimorë se po kryejnë një fushatë të dezinformimit mbi sëmundjen e Navalnyt.

Putin tha se ka kërkuar nga prokurorët rusë që të autorizojnë largimin nga vendi të Navalnyt, pasi gruaja e këtij të fundit kishte bërë një kërkesë të tillë.

“Ka pasur kufizime të udhëtimit ndaj tij, që lidhen me hetime për një rast kriminal” ndaj Navalnyt, tha Putin, duke shtuar “por, pavarësisht kësaj, i kërkova Zyrës së Prokurorit të Përgjithshëm që të lejojë që ai të largohet”.

Navalny ishte sëmurë gjatë një fluturimi nga Siberia për në Moskë më 20 gusht. Avioni me të cilin ai po udhëtonte bëri një aterrim urgjent në qytetin siberian Omsk, ku Navalny u hospitalizua, përpara se autoritetet ruse ta lejonin që ai të dërgohej për shërim në Gjermani. Ai u lirua nga një spital në Berlin më 22 shtator, pasi kishte qëndruar për trajtim për 32 ditë.
Bashkimi Evropian dhe Britania kanë sanksionuar gjashtë zyrtarë rusë, që besohet se janë përgjegjës për tentim-vrasjen e Navalnyt. Sipas Organizatës për Parandalimin e Armëve Kimike, në Navalnyn janë gjetur gjurmë të agjentit nervor noviçok./ REL

Të fundit

Sa shpenzojnë shqiptarët në vit për mirëqenien e tyre?

Instituti i Mirëqenies Globale (Global Wellness Institute), i cili njihet si burimi kryesor për kërkime në industrinë e mirëqenies,...

Ndryshimet klimatike mund të rrisin inflacionin

Rritja e temperaturave dhe ngjarjet ekstreme të motit, pritet të kenë një ndikim global në bujqësi. Rritja e temperaturave mesatare, mund të rrisë inflacionin vjetor...

Vakti më i shtrenjtë në botë kushton plot 495 mijë dollarë dhe shërbehet në hapësirë

Sado joreale të tingëllojë, është e vërtetë. Kompania e turizmit hapësinor SpaceVIP po përgatitet të shërbejë një vakt në hapësirë, i cili do të kushtojë 495,000 dollarë për person. Kompania, pak...

Bulqizë/ Ishte duke riparuar një defekt, elektricistin e zë korrenti, mbetet i plagosur

Avdul Duçi, elektricist ka mbetur i plagosur teksa po punonte për riparimin e një linje elektrike, në afërsi të spitalit të Bulqizës, ka rënë...

Meta dhe Google akuzohen për kufizimin e informacionit të shëndetit riprodhues

Gjigantët e teknologjisë Meta dhe Google janë akuzuar në një raport nga dy organizata ndërkombëtare joqeveritare për fshehje të informacionit mbi abortin dhe kujdesin...

Lajme të tjera

Web TV