Statuja e një gruaje e ndërtuar me mbetetjet nga shpërthimi i portit të Bejrutit, u vendos përballë vendit ku ndodhi shpërthimi gjatë fundjavës për të shënuar një vjetorin e fillimit të lëvizjes së protestës anti-qeveritare në të gjithë vendin.
Statuja metalike e ndërtuar nga artisti libanez Hayat Nazer, në të cilën shkruhej në arabisht “17 tetori, Revolucioni”, u mbulua nga flakët në orën 18:07 të pasdites së të shtunës duke përkuar kështu me të njëjtin orar kur ndodhi shpërthimi shkatërrues në port i cili vrau gati 200 persona.
Protestat në Liban që filluan tetorin e kaluar kundër një elite politike që kishte sunduar që nga lufta civile 1975-1990 kanë çuar në dorëheqjen e dy qeverive, por politikanët që atëherë nuk kanë arritur të formojnë një qeveri të re. Pandemia e koronavirusit dhe shpërthimi i 4 gushtit gjithashtu kanë sjellë vuajtje të mëtejshme në vend që tashmë përballet me një krizë ekonomike. /Re.Gu/Fjala.al