Shkencëtarët në Itali i çojnë letër Contes: Masa urgjente, ose do kemi qindra viktima

113 563 lexime

106,048FansaPëlqeje

100 personalitete, mes tyre emra të njohur të shkencës në Itali, i kanë dërguar një mesazh alarmues presidentit të Republikës, Sergio Mattarella dhe kryeministrit, Giuseppe Conte se nëse nuk do merren masa të rrepta, vendi do të përjetojë qindra viktima çdo ditë.

 “Duhen masa drastike dhe urgjente brenda dy ose tri ditëve, për të shmangur mundësinë që shifrat të arrijnë brenda tri javëve në disa qindra të vdekur në ditë”, shkruajnë në letër studiuesit, disa prej tyre rektorë të disa prej universiteteve më prestigjioze italiane.

“Si shkencëtarë, studiues, profesorë universiteti, ne besojmë se është e drejtë dhe urgjente të shprehim shqetësimin tonë më të thellë në lidhje me fazën aktuale të përhapjes së pandemisë Covid-19, sipas të cilave dyfishimi i vdekjeve që po vërehet çdo javë mund të çojë shpejt në 400-500 vdekje në ditë”, shkruajnë studiuesit, duke iu referuar vlerësimeve të lëshuara nga fizikani Giorgio Parisi.

”Pa masa të forta, vdekjet nga Covid-19 mund të kalojnë 400 në dy javë. Në 20 ditët e fundit numri i rasteve është dyfishuar çdo javë dhe numri i vdekjeve filloi të dyfishohej, me një vonesë prej 7 ditësh krahasuar me rastet pozitive”, theksoi fizikanti Giorgio Parisi, nga Universiteti ”La Sapienza” i Romës.

“Ajo që duket e sigurt është se nga numri i rasteve sot mund të gjurmojmë numrin e vdekjeve në një javë. Duke marrë parasysh këtë trend në rritjen e epidemisë, një rritje proporcionale e shtrimeve në spitale në institucionet e kujdesit intensiv është gjithashtu e parashikueshme dhe në këtë mënyrë do të ekzistonte rreziku i kolapsit të sistemit shëndetësor”, shtoi ai.

Nëse masat do të ishin shumë të forta, pas 10 deri në 15 ditë, rastet mund të zvogëloheshin”, përfundoi ai.

Lexo edhe :  Në ndjekje të grabitësve, policia përplas për vdekje 17-vjeçaren

Kryeministri Conte ka refuzuar publikisht mundësinë e mbylljes totale, që sipas tij do shkatërronte ekonominë italiane, por sipas intelektualëve “masa efikase të menjëhershme do ta ndihmonin ekonominë dhe vendet e punës. Sa më shumë të presim, aq më shumë masat do të jenë të rrepta dhe do zgjasim më shumë, duke patur impakt më të madh”.

Ndërkohë, Instituti i Shëndetësisë italiane ka treguar të dhënat e një raporti që është referuar javën e kaluar, ku treguesi i infeksionit Rt ka kaluar shifrën 1.5.

Sipas Institutit, “një situatë shumë e rëndë në të gjithë territorin, që mund të reflektohet në pasoja të mëdha dhe në një kohë të shkurtër”.

Italia të premten shënoi 19.143 raste pozitive dhe 91 viktima./Re.D/Fjala.al

Të fundit

Çudia e radhës/ Bleu telefonin online, nuk do ta besoni çfarë i erdhi në kuti (Foto)

Një grua ka paguar 1,500 dollarë pasi kishte porositur celularin e fundit iPhone 12, por u shokua kur i...

Covid-19 i merr jetën mësuesit të shkollës 9-vjeçare (Emri+Foto)

Pas lajmit të hidhur për ndarjen nga jeta të drejtorit të shkollës 9-vjeçare në fshatin Karkanjoz të Beratit, një tjetër arsimtar është shuar nga...

U tha se nuk do të vinin, Ministria Shëndetësisë: Pas pak mbërrijnë në Rinas mbi 15 mijë dozat e vaksinës Pfizer

Ministria e Shëndetësisë ka njoftuar se 15,210 dozat e vaksinave të kompanisë Pfizer do të mbërrijnë pas pak në Shqipëri. Fillimisht ministria njoftoi se ardhja...

Historiani zbulon letrat e rralla të babait të diktatorit, kush ishte në të vërtetë Alois Hitler (Foto)

Një historian gjerman ka pohuar se i ati i Adolf Hitlerit ishte autoritar, i fuqishëm politikisht, egoist si dhe kishte një ndikim të gjatë...

OBSH ngre alarmin: Ky virus do të rikthehet nëse ne…

Organizata Botërore e Shëndetit, përmes drejtorit të përgjithshëm të saj, Tedros Adhanom Ghebreyesus ka deklaruar se numri i rasteve të reja me COVID-19 në...

Lajme të tjera

Web TV