Një shtetas turk i shpallur në kërkim ndërkombëtar nga Gjermania është arrestuar në pikën kufitare të Morinës.
Burimet zyrtare bëjnë me dije se pas verifikimit të të dhënave në sistem, rezultoi se shtetasi turk me inicialet I.E 42-vjeç, ishte në kërkim ndërkombëtar nga Interpol Wiesbaden, Gjermani.
Autoritetet Gjyqësore Gjermane, kanë caktuar ndaj tij masën e sigurisë “Arrest me burg”, për veprën penale “Trafik droge”, parashikuar nga Kodi Penal i Gjermanisë.
Në përfundim të veprimeve hetimore, specialistët e Seksionit për Hetimin e Trafiqeve të Paligjshme dhe Narkotikëve në DVP Kukës bënë arrestimin provizor, me qëllim ekstradimin e tij drejt Gjermanisë./Re.Gu/Fjala.al
